اقش-تىڭ كاليفورنيا شتاتى، كارسونە قالاسىندا WBA نۇسقاسى بويىنشا ورتا سالماقتاعى الەم چەمپيونى 32 جاستاعى قازاقستاندىق بوكسشى گەنناديي گولوۆكين مەن WBC نۇسقاسىنىڭ ۋاقىتشا چەمپيونى 34 جاستاعى مەكسيكالىق ماركو انتونيو رۋبيونىڭ اراسىنداعى جەكپە-جەك اياقتالدى. ءبىزدىڭ وتانداسىمىز ەكىنشى راۋندتا قارسىلاسىن ەسىنەن تاڭدىردى، - دەپ حابارلايدى Tengrinews.kz

گولوۆكين ءوزىنىڭ كاسىبي رينگتەگى 31-ويىنىنداعى 31-جەڭىسىن كورسەتتى. ونىڭ 28ء-ى نوكاۋتپەن اياقتالدى. ءبىر ايتا كەتەرلىگى، سالماق ولشەۋ بارىسىندا رۋبيونىكى 73،4 كەلىنى كورسەتىپ، تالاپقا ساي كەلمەدى. نەگىزى اتتارى اتالىپ وتىرعان بوكسشىلاردىڭ سالماعى 160 فۋنت، ياعني 72،6 كەلىدەن اسپاۋى كەرەك ەدى. ال گولوۆكيننىڭ سالماعى - 72،1 كەلى بولعان. وسى ءۇشىن رۋبيونىڭ اقىسىن 450 مىڭنان 350 مىڭعا دەيىن كەسىپ تاستاعان. قازاقستاندىق بوكسشى جەڭىسپەن اياقتاعان بۇل ويىنى ءۇشىن ءوزىنىڭ سپورتتىق مانسابىنداعى ەڭ كوپ سىياقى - 1 ميلليون دوللاردى الادى.

قامشى-اقپارات