استانادا ەلىمىزدىڭ دۇنيەجۇزىلىك ساۋدا ۇيىمىنا قوسىلۋى اياسىندا قازاقستاندىق ۇلەستى دامىتۋ ماسەلەسى تالقىلاندى، دەپ حابارلايدى BNews.kz
«قازاقستانعا بۇگىندە دۇنيەجۇزىلىك ساۋدا ۇيىمىنا كىرۋ جولىندا تۇر. كەلىسسوزدەر بارىسىندا وتاندىق يندۋستريانى قولداۋ بويىنشا داۋلى ماسەلەلەر تۋىندايدى. بۇل ۇيىمعا مۇشە بولۋ حالىقارالىق ساۋدا نارىعىنا كىرۋدەگى كەدەرگىلەردى جويىپ، ساۋدا سالاسىنداعى داۋلاردى شەشۋدىڭ قالىپتاسقان حالىقارالىق امالدارىنا قول جەتكىزۋگە مۇمكىندىك بەرەدى. سونداي-اق، وتاندىق جانە الەمدىك كونتراگەنتتەر ءۇشىن بيزنەستى جۇرگىزۋدىڭ تەڭ ءارى اشىق جاعدايلارىن جاساۋعا جول اشادى. قازاقستاننىڭ دۇنيەجۇزىلىك ساۋدا ۇيىمىنا ءوتۋ ۇدەرىسى ءبىراز ۋاقىتتان بەرى جۇرگىزىلۋدە جانە سودان بەرى قوعامدا بۇل ۇيىمعا مۇشەلىك ەلىمىزگە قانداي پايدا اكەلەدى دەگەن اڭگىمەلەر ايتىلىپ كەلەدى»، - دەدى جيىندا NADLoC اگەنتتىگىنىڭ باسقارۋشى ديرەكتورى جاننا الييەۆا.
قامشى-اقپارات
