15 قازاننان بەرى ەبولا ۆيرۋسىنان كوز جۇمعاندار سانى 322 ادامعا ارتىپ، 4877-گە جەتتى دەپ حابارلادى 22 قازاندا دۇنيەجۇزىلىك دەنساۋلىق ساقتاۋ ۇيىمى (دسۇ). بۇل تۋرالى اقپاراتتى «ازاتتىق راديوسى» جازدى.

جامان دەرتتەن قايتىس بولعانى راستالعان ادامدار سانى كەيدە كۇرت كوبەيىپ كەتۋىنىڭ  سەبەبى - دسۇ  ىندەت وشاعى - باتىس افريكا ەلدەرىندەگى جەرگىلىكتى جاعدايدىڭ كۇردەلىلىگىنەن ساناق تىم باياۋ ءجۇرىپ جاتقاندىقتان بولىپ وتىر.   دسۇ ەبولا ىندەتى تابىلعان جەتى ەلدى ەكى توپقا بولەدى. العاشقى توپقا ىندەتتەن ەڭ كوپ زارداپ شەككەن ليبەريا، سەررا-لەونە، گۆينەيا ەلدەرى كىرەدى.

ەكىنشى توپقا ىندەتتەن ازىراق زارداپ شەگىپ وتىرعان سەنەگال، نيگەريا، يسپانيا مەن اقش جاتقىزىلعان. وتكەن اپتادا سەنەگال مەن نيگەريادا ەپيدەميا اياقتالدى دەپ جاريالانعان. يسپانيادا جاعداي ۆيرۋس جۇقتىرعان ناۋقاس اۋرۋىنان ايىققاننان 42 كۇننەن كەيىن بەلگىلى بولادى.

اقش تەرريتورياسىندا ليبەريادا جۇمىس ىستەپ، ەبولا جۇقتىرىپ كەلگەن دارىگەر قايتىس بولعان. تاعى ەكى مەدبيكە جامان اۋرۋدى جۇقتىرىپ العان. ايتا كەتسەك، ماماندار قاراشادا ەبولا ءۆيرۋسى رەسەيگە جەتەدى دەگەن بولجامدار جاسادى. سونداي-اق قازاقستانعا وزبەكستان مەن تۇركيا ارقىلى دا بۇل ىندەتتىڭ تارالۋ ىقتيمالدىعى بار. قازاقستان ەبولا ىندەتىنىڭ الدىن الۋ شارالارىن جاساپ جاتىر.

قامشى-اقپارات