قاراماعانداعى قىزمەتكەرلەرى سىبايلاس جەمقورلىق قىلمىسىن جاساعان لاۋازىمدى تۇلعانىڭ وستاۆكاعا كەتۋى زاڭمەن قاراستىرىلماق. اتالمىش ماسەلە كەلەسى جىلى پارلامەنت قاراۋىنا ەنگىزىلەتىن «سىبايلاس جەمقورلىققا قارسى كۇرەس تۋرالى» زاڭ جوباسىندا قامتىلاتىن بولادى. بۇل تۋرالى بۇگىن سەناتتىڭ پلەنارلىق وتىرىسى بارىسىندا مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ ءتوراعاسى قايرات قوجامجاروۆ مالىمدەدى. بۇل تۋرالى BNews.kz جازدى. 

«زاڭناماعا ساياسي قىزمەتكەرلەر جانىنداعى ولارعا باعىنىشتى قىزمەتكەرلەر سىبايلاس جەمقورلىق قىلمىس جاساسا، وتستاۆكاعا كەتۋ ماسەلەسى بويىنشا تاپسىرما بەرىلگەن. سول سەبەپتى مەملەكەتتىك قىزمەت جۇرگىزۋ تۋرالى تۇجىرىمداماعا كەزىندە زاڭ نورماسى كىردى. وندا، ەگەر ساياسي قىزمەتكەردىڭ قول استىنداعى ءوزى تاعايىنداعان نەمەسە سول ساياسي قىزمەتكەردىڭ كەلىسىمىمەن تاعايىندالعان ادام سىبايلاس جەمقورلىق قىلمىس جاساپ، وعان قاتىستى سوت ۇكىمى زاڭ جۇزىندە كۇشىنە كىرسە، وندا ول وستاۆكاعا بەرۋى كەرەك. وتستاۆكانى قابىلداۋ نە قابىلداماۋ سول كىسىنى تاعايىنداعان، ياعني ەلباسىنىڭ شەشىمى بولادى. ونىڭ قارالۋ مەرزىمى – 1 اي. اكىمشىلىك قىزمەتكەرلەر تۋرالى ۇلكەن ماسەلە قوزعالۋدا. ءبىز كەلەسى جىلى ءبىر ۇلكەن زاڭدى سىزدەردىڭ قاراۋلارىڭىزعا ەنگىزەمىز. ءبىزدىڭ ويىمىزشا، سىبايلاس جەمقورلىققا قارسى كۇرەس تۋرالى زاڭناما ەسكىردى. ول قازىرگى ۋاقىتتاعى كوپتەگەن تالاپتارعا سايكەس كەلمەيدى. سول زاڭنامانىڭ شەڭبەرىندە ءسىز كوتەرگەن ماسەلەنى قاراستىرماقپىز»، - دەپ مالىمدەگەن اگەنتتىك ءتوراعاسى قوجامجاروۆ ءوز ءسوزىن.

قامشى-اقپارات