قىتايدىڭ CCTV6 ورتالىق تەلەارناسىنىڭ ءتۇسىرىلىم توبى قازاقستاندا 14 كۇن بولىپ قايتتى. ەلىمىزدىڭ تابيعاتى مەن ەكونوميكالىق دامۋىنان حاباردار ەتەتىن جاڭا تۋىندى جۇڭگو ەلىنىڭ ورتالىق تەلەارناسىنان 2015 جىلدىڭ ناۋرىزىنان باستاپ كورسەتىلەتىن بولادى. بۇل تۋرالى تۋريزم يندۋسترياسى ۇلتتىق قاۋىمداستىعىنىڭ پرەزيدەنتى گاۋھار جەڭىسبەك مالىمدەگەن.

قازاقپارات جازعانداي، China Movie Chanel وكىلدەرىنىڭ ايتۋىنشا، فيلم بەس ەپيزودتان تۇرادى. ءار ءبولىمنىڭ ۇزاقتىعى 20 مينۋتقا سوزىلادى. بۇل بولىمدەر «ەكسپو-2017»، قازاقستان تالعامى، ۇلى جىبەك جولىمەن، قازاقستان حالقى، كادر سىرتىنداعى دۇنيە تاقىرىبىنا ارنالعان. قىتايدىڭ ءتۇسىرىلىم كومانداسىن دەرەكتى فيلمدەر رەجيسسەرى نينو ۆانگ باستاپ كەلدى. قىتايلىقتار قازاقستاننىڭ 7 قالاسىنداعى جانە الماتى وبلىسىنداعى مادەني-تاريحي نىسانداردا بولىپ قايتقان.

CCTV6 ارناسى ەۋروپادا، الەمدە كورسەتىلەدى. ولاردىڭ اۋديتورياسى 850 ملن. ادامدى قۇرايدى. بۇل فيلم شەتەلدىكتەرگە قازاقستاننىڭ ءومىرىن تانىستىرادى.

قامشى-اقپارات