ۆەنەسۋەلا پرەزيدەنتى نيكولاس مادۋرو اقش-تى عالامشارىمىزعا زيان كەلتىرىپ وتىر دەپ ايىپتادى. ول مۇنداي مالىمدەمەنى ەل ۇكىمەتىنىڭ فەدەرالدى كەڭەسىندە جاسادى، دەپ حابارلايدى bnews.kz. ونىڭ ايىپتاۋىنا سەبەپ، اقش مۇنايدى گيدراۆليكالىق جارۋ (فرەكينگ) تاسىلىمەن ءوندىرىپ وتىر.

«ۆەنەسۋەلا اقش-تىڭ مۇنداي ادىسپەن مۇناي وندىرۋىنە تۇبەگەيلى قارسى. ءقازىر ونسىز دا الەمدىك نارىقتا مۇناي شەكتەن تىس كوبەيىپ كەتتى، بۇل ءبىرىنشى كەزەكتە مۇناي باعاسىنىڭ ارزانداۋىنا اكەپ سوعادى. اقش وسىلايشا رەسەي مەن يران ەكونوميكاسىنا ەداۋىر زيان كەلتىرۋدى كوزدەپ وتىر»، - دەگەن ءوز سوزىنجە مادۋرو.

جاقىندا وپەك-كە مۇشە مەملەكەتتەر شۇعىل وتىرىس وتكىزىپ، مۇناي نارىعىن رەتتەۋ ماسەلەسىن تالقىلاماق. قازان ايىنىڭ ورتاسىندا كانادالىق مۋزىكانت ءارى رەجيسسەر نيل يانگ اقش پرەزيدەنتى باراك وباماعا يمپيچمەنت جاريالاۋدى ۇسىنعان ەدى. ونىڭ ايتۋىنشا، امەريكا باسشىسى گيدراۆليكالىق جارۋ تاسىلىمەن مۇناي ءوندىرىپ، قورشاعان ورتاعا نەمقۇرايدى قاراپ وتىر. سول سەبەپتى ونى وسى ارەكەتى ءۇشىن جۇمىسىنان بوساتۋ كەرەك دەگەن بولاتىن. جۋىردا امەريكا عالىمدارى انىقتاعانىنداي، گيدراۆليكالىق جارۋ تاسىلىمەن مۇناي ءوندىرۋ ءارتۇرلى تابيعي كاتكليزمدەرگە اكەپ سوعادى. ناقتىراق ايتساق، فرەكينگتى قولدانۋدىڭ كەسىرىنەن 2013 جىلى وگايودا كوپتەگەن جەر سىلكىنىسى بولدى.

قامشى-اقپارات