كورەيا حالىق دەموكراتيالىق رەسپۋبليكاسى ەبولا بەزگەگىنىڭ تارالۋىنا بايلانىستى شەتەل تۋريستەرى ءۇشىن شەكارانى جابۋدى جوسپارلاعان ەدى. سولتۇستىك كورەياعا جول 24 قازاننان جابىلماق، دەپ حابارلايدى قازاقپارات. 

بۇل شارالار تۋرالى قىتايدا جۇمىس ىستەيتىن ءبىرقاتار تۋريستىك اگەنتتىكتەر ارقىلى جۇرتقا بەلگىلى بولدى.

«ءبىز جاڭالىقتى پحەنيانداعى ارىپتەستەرىمىزدەن ەستىدىك، بۇگىننەن باستاپ ول ەل تۋريستەردى ەنگىزبەيدى. بۇل ەبولا ۆيرۋسىنىڭ تارالۋ قاۋپىنە قاتىستى ساقتىق شارالارى» ، - دەپ حابارلاعان اگەنتتىكتەردىڭ بىرىنەن.

وندا تىيىم ءتۋريستىڭ قاي ەلدە بولعان-بولماعانىن تەكسەرمەي-اق، بارلىق تۋريستەرگە قاتىستى قولدانىلاتىنى ايتىلعان. بۇل تىيىم قانشا ۋاقىتقا سوزىلاتىنى ازىرگە بەلگىسىز.

ەستەرىڭىزدە بولسا، كەشە ەبولا بەزگەگىنەن الەمدە قايتىس بولعانداردىڭ سانى 4877 –گە جەتكەنىن  حابارلاعان ەدىك. بۇگىن شىققان اقپاراتتار بويىنشا، اقش-تا تاعى ءبىر ادامنىڭ جامان دەرتتى جۇقتىرعانى بەلگىلى بولدى. ازىرگە اتالعان دەرتتىڭ ناقتى ەمى ءالى تابىلمادى.

قامشى-اقپارات