ولىلەردى ەمەس، تىرىلەردى جارىلقاۋىمىز كەرەك. وسىلاي دەگەن قازاقستان مۇسىلماندار وداعىنىڭ ءتوراعاسى مۇرات تەلىبەكوۆ استانادا قوعام قايراتكەرلەرى جەرلەنەتىن ۇلتتىق قورىمنىڭ سالىنۋىنا قارسى شىقتى دەپ حابارلايدى كتك ارناسى. ول بۇنداي قۇرىلىس سالۋ ەل بيۋدجەتىن وڭدى-سولدى شاشۋ دەپ سانايدى.

"وسىنداي جوبانى شىعارعان شەندىلەردى جازالاۋ كەرەك. بۇل دەگەن ناعىز قىلمىس. قارامايسىڭدار ما ءقازىر كوشەدە مىڭداعان ادام ءۇيسىز، جۇمىسسىز ءجۇر. اۋىلدا اش وتىرعان بالالار بار"، - دەيدى قازاقستان مۇسىلماندار وداعىنىڭ ءتوراعاسى مۇرات تەلىبەكوۆ.

شىندىعىندا ەل ءۇشىن قىزمەت قىلعان ازامات بولسا، ونى ۇلتتىق قورىمعا جەرلەمەي-اق ەسىمى تاريحتان ويىپ تۇرىپ ورىن الاتىنىن ايقاتن مۇسىلماندار وداعىنىڭ ءتوراعاسى كەشە عانا تاعايىندالعان استانا اكىمى ادىلبەك جاقسىبەكوۆكە حات جولداپ قويدى.

پانتەوننىڭ قۇرىلىسى كەلەر جىلى باستالادى دەپ جوسپارلانعان. وتكەندە عانا ونى سالۋ ءۇشىن قازىنادان 1 ميلليارد تەڭگە بولىنگەنى تۋرالى اقپارات شىققان بولاتىن. 10 قازاندا ۇكىمەت باسشىسى كارىم ءماسىموۆ اقمولا وبلىسى مەن استانا قالاسىنىڭ اكىمىنە ۇلتتى پانتەوننىڭ ورنالاساتىن جەرىن تەزدەتىپ انىقتاۋدى تاپسىرعان ەدى.

قامشى-اقپارات