الماتىدا جاڭبىردان كەيىن ارىقتان ادام ءمايىتى تابىلدى دەپ جازادى قامشى اقپاراتتىق اگەنتتىگى tengrinews.kz مالىمەتىنە سۇيەنىپ

وقيعانى ۆيدەوعا تۇسىرگەن كۋاگەرلەردىڭ ايتۋىنشا، قايعىلى وقيعا ءال-فارابي داڭعىلى مەن فۋرمانوۆ كوشەسىنىڭ قيىلىسىندا بولعان.  "قىز بالا ارىققا قۇلادى. (...) وسى جەردە ادامدار توقتاپ، كومەكتەسۋگە كىرىستى. مەن كينودان شىقتىم، قاراسام مۇندا ايعاي-شۋ بولىپ جاتىر ەكەن. ارىققا سۋ كىرمەۋى ءۇشىن بىتەپ جاتىر، قىزدى شىعارىپ الماقشى"، - دەيدى كۋاگەر. 

ق ر ءىىم تجك رەسمي وكىلى رۋسلان يمانقۇلوۆ بۇل مالىمەتتى راستادى.  "الماتىدا 07.06 كۇنى ساعات 04:30-دا مەدەۋ اۋدانىنداعى ءال-فارابي داڭعىلى مەن فۋرمانوۆ كوشەسىنىڭ قيىلىسىندا "سامال-2" ىقشاماۋدانىندا تجد قىزمەتكەرلەرى (13 ادام جانە 2 ارنايى تەحنيكا)، "الماتى قۇتقارۋ قىزمەتى-109" (ءتورت ادام جانە ءبىر ارنايى تەحنيكا) ارىق جۇيەسىنەن 1994 جىلعى قىزدىڭ ءمايىتىن الىپ شىقتى، - دەپ حابارلادى يمانقۇلوۆ.

شولۋشى: الميرا اسلانوۆا