مادەنيەت جانە سپورت ءمينيسترى ارىستانبەك مۇحامەدي ۇلى وبلىس اكىمدەرىنە وكپەلى. ول ايماق باسشىلارىنىڭ "ءوزارا" فۋتبولدان جارىساتىنىن قۇپتاعان جوق. بۇلاي دەپ Bnews.kz جازعان.

بۇگىن نانكيندەگى جاسوسپىرىمدەر وليمپياداسى مەن ينچحونداعى جازعى ازيا ويىندارىن قورىتىندىلاۋعا ارنالعان جيىندا، اتىراۋ وبلىسى سپورت باسقارماسى باسشىسىنىڭ بايانداماسىن  مينيستر بۇزىپ:

"مەنىڭ ءبىر سۇراعىم بار، اتىراۋ وبلىسى بويىنشا سپورتقا بولىنگەن بارلىق قارجىنىڭ 67%-ى فۋتبولعا ارنالادى ەكەن!؟ اقشانىڭ ءبارىن فۋتبولعا جىبەرسەڭىزدەر، ارينە، باسقا سپورت ءتۇرى اقسايدى. سىزدەر سياقتى، اقتوبە وبلىسى دا قارجىنىڭ كوپ بولىگىن فۋتبولعا جۇمسايدى. بىزدە اكىمدەر فۋتبولدان جارىس ۇيىمداستىرۋعا قۇمار. وتىرىپ الادى دا، "مەنىڭ كوماندام ۇتتى. سەنىڭ كومانداڭ ۇتىلدى" دەپ جارىسادى. فۋتبولعا اقشا قالاي بولىنسە، سپورتتىڭ باسقا سالالارىنا دا سونداي قارجى ءبولىنۋى كەرەك. اتىراۋ، جامبىل، باتىس قازاقستان، قاراعاندى، اقتوبە وبلىسىنىڭ سپورت باسقارمالارى جاعدايدى تۇزەمەسەڭىزدەر، بولىنگەن اقشانى فۋتبولعا عانا جۇمسايتىن بولساڭىزدار، اكىمدەرىڭىزگە ايتا بارىڭىزدار، اكىمدەرىڭىزبەن كەلىسىپ، ءتيىستى شارا قولدانباساڭىزدار، بۇل سۇراقتى مەملەكەت باسشىسىنىڭ الدىنا شىعارامىز"، - دەگەن.

قامشى-اقپارات