قازاقستاندىق كاسىپقوي بوكسشى گەنناديي گولوۆكين ەلىمىزدە ۇلكەن ءبىر بوكس كەشىن ۇيىمداستىرعىسى كەلەتىنىن ايتتى، دەپ حابارلايدى قامشى اقپاراتتىق اگەنتتىگى Vesti.kz سايتىنا سىلتەمە جاساپ.

«مەن قازاقستاندا ۇلكەن ءبىر جەكپە-جەك وتكىزگىم كەلەدى. بارلىعى دا وسىنى قالايتىن سياقتى. بۇل مەنىڭ ەلىم ءۇشىن ماڭىزدى، ارينە، مەنىڭ بوكستاعى سالاتىن ءىزىم ءۇشىن دە. ماعان چەمپيوندىق اتاقتاردى بىرىكتىرەتىن، ۇلكەن جەكپە-جەكتەر، اتى بەلگىلى قارسىلاستار كەرەك. مەن الدا "كانەلومەن" جۇدىرىقتاسامىن. مۇمكىن سوڭعى بەلبەۋ ءۇشىن جەكپە-جەكتى قازاقستاندا وتكىزە الارمىن»، - دەيدى گولوۆكين.

ەسكە سالايىق، 7 ماۋسىمدا گولوۆكين قاراعاندىدا ءوزىنىڭ اتى بەرىلگەن سپورت كەشەنىنىڭ اشىلۋ سالتاناتىندا بولدى. قازاقستانداعى ساپارى كەزىندە بوكسشى وكىل بولىپ كەلەتىن استانداعى EXPO-2017 كورمەسىنە قاتىسادى. شىلدەنىڭ ورتاسىندا بوكسشى اقش-تىڭ كاليفورنيا شتاتىنداعى Big Bear بازاسىندا جاتتىعۋ لاگەرىن باستايدى. ال 16 قىركۇيەكتە مەكسيكالىق ساۋل "كانەلو" الۆارەسپەن جۇدىرىقتاسادى.