77 جاستاعى پاتەر يەسى وسى جىلدىڭ اقپان ايىندا قايتىس بولعان. ونىڭ 52 جاستاعى بالاسى اكەسىنىڭ دەنەسىن جەر قوينىنا تاپسىرۋعا اسىقپاعان. ونىمەن نە ىستەپ، نەلىكتەن ءمايىتتى پوليەتيلەنگە وراعانى بەلگىسىز دەپ حابارلايدى قامشى اقپاراتتىق اگەنتتىگى وبلىستىق ءىىد باسپا ءسوز قىزمەتىنە سىلتەمە جاساپ.
قىس مەزگىلىندە مايىتتەن جاعىمسىز ءيىس قاتتى تاراعان. الايدا كۇن جىلىعاننان كەيىن سۇمدىق ءيىس بۇكىل پاتەردى جايلاعان. سونىڭ ورتاسىندا ونىڭ بالاسى ەمىن-ەركىن تۇرعان. ەر ادام ىشكىلىككە سالىنعان ەكەن. پوليسەيلەر كەلگەن كەزدە ول ماس بولعان. قۇقىققورعاۋ ورگاندارىنا ءمايىت ساقتالعان ءۇيدىڭ بەسىنشى قاباتىندا تۇراتىن كورشىلەرى حابارلاسىپ، ءمايىتتىڭ يىسىنە ۇقساس جاعىمسىز ءيىس مۇڭكىپ تۇرعانىن ايتقان.
پوليسەيلەر ۇيگە كەلگەندە ەر ادام ەسىكتى اشپاي قويعان. ولار ەسىكتى بۇزا باستاعاندا ول تەرەزەدەن سەكىرىپ كەتتى. ءتۇرلى جاراقاتتار الدى.
پوليسەيلەر ءمايىتتى ساراپتاماعا جىبەردى. كورشىلەرىنىڭ ايتۋىنشا، بالاسىنا اكەسىنىڭ زەينەتاقىسى قاجەت بولدى. سوندىقتان ونىڭ ولگەنى تۋرالى ەشكىمگە حابار بەرمەگەن.
شولۋشى: اسەم المۇحانبەت
