مالايزيا جاسىل ەكونوميكانىڭ ءوسۋى بويىنشا دامىپ كەلە جاتقان نارىقتاردىڭ كوشباسشىسى رەتىندە ءوز مۇمكىندىكتەرىن كورسەتۋگە نيەتتى جانە «ەكسپو-2017» مالايزيا پاۆيلونىنىڭ رەسمي اشىلۋىنا شاقىردى.

زايني ۋدجانگ مالايزيا پاۆيلونى جاسىل بولاشاق باعىتىندا ارەكەتتەنۋگە  شابىتتاندىراتىنىنا تولىق سەنىمدى.

«ءبىز بارشا الەمدى مالايزيامەن بىرگە جاسىل ەكونوميكانى قۇرۋعا شاقىرامىز»، - دەپ كوميسسار ءوز ءسوزىن تولىقتىردى.

مالايزيا پاۆيلونى اۋدانى جاعىنان ەڭ ءىرى پاۆيلونداردىڭ ءبىرى (732 شارشى مەتر) جانە ورنالاسقان جەرى بويىنشا قولايلى. ول ءۇندىستان مەن جۇڭگو ەلدەرى پاۆيلوندارىنىڭ وتاسىندا ورنالاسىپ، ەكى ەل اراسىنداعى بايلانىستىرۋشى كوپىر قىزمەتىن اتقارىپ، ءوزىن ازيانىڭ دامۋىنداعى الار ورنىن كورسەتپەك.

ءوز سوزىندە دوكتور زايني ۋدجانگ، كورمەگە دايىن ەكەندىكتەرىن جەتكىزدى.

سپيكەردىڭ ايتۋىنشا مالايزيا پاۆيلونى جاسىل ەكونوميكا دامۋىنداعى ەلدىڭ جەتىستىكتەرىن كورسەتەتىن جانە قىزىعۋشىلىق تانىتقان ەلدەردىڭ ىسكەرلىك ورتاسىمەن بايلانىس ورناتۋ الاڭى بولادى. سونىمەن قاتار، قوناقتار مالايزيانىڭ مادەنيەتى جانە ەلدىڭ تۋريستىك كورىكتى جەرلەرىمەن جاقىنىراق تانىسا الادى.

«مالايزيا پاۆيلونى ەلدىڭ حالال-ونەركاسىبىنىڭ دامۋىنداعى جانە يسلام جاسىل قارجىلاندىرۋ سەكتورىنداعى دۇنيە جۇزىنە تانىلعان جەتىستىكتەرىن كورسەتەدى. مالايزيانىڭ قارجى ينستيتۋتتارى شاريات قاعيدالارىنا نەگىزدەلگەن جاسىل يننوۆاسيانى قولدانۋ سالاسىنداعى كوشباسشى بولىپ سانالادى»، - دەدى كوميسسار.

مالايزيا پاۆيلونى ەلدىڭ جاسىل بولاشاققا باعىتىن 5 نەگىزگى تاراۋلار ارقىلى كورسەتەدى. ولار، «ۇلتتىڭ كۇشىن نىعايتۋ جانە ونى قۋاتتاندىرۋ»، «ۇلتتىق ترانسفورماسيا»، «كورىنىستى ۇلعايتا كەلە»، «ەنەرگيا ۇيلەسىمدىلىگى»، «مالايزيانىن بيزنەس-ورتالىعى».

«ەكسپو-2017» كورمەسىندە مالايزيا وكىلدىگىن ەنەرگەتيكا، جاسىل تەحنولوگيا جانە سۋ رەسۋرستارى مينيسترلىگى باسقارادى. مالايزيا پاۆيلونىنىڭ يدەياسىن مالايزيانىڭ جاسىل تەحنولوگيالار كورپوراسياسى «Green Tech Malaysia» جۇزەگە اسىرعان.