قازاقستان پرەزيدەنتى يسپان مونارحىن اقوردادا قابىلدادى دەپ حابارلايدى Qamshy.kz ءتىلشىسى.

«يسپانيا قازاقستان تاۋەلسىزدىگىنىڭ العاشقى جىلدارىنان باستاپ ءبىزدىڭ ەلىمىزگە وتە جاقىن بولدى. ەكونوميكالىق، مادەني ىنتىماقتاستىق - ءبىز يسپانيا سياقتى ۇلكەن مەملەكەتپەن، ونىڭ ۇلى مادەنيەتىمەن جانە ەكى ەل اراسىنداعى جاقسى قارىم-قاتىناسپەن ماقتانامىز. وسىنداي ىنتىماقتاستىقتى ءسىزدىڭ اكەڭىز - حۋان كارلوسپەن باستاعان بولاتىنبىز»، - دەدى نۇرسۇلتان نازاربايەۆ.

يسپانيا كورولى VI فيليپپ ءوز كەزەگىندە نازاربايەۆا العىس ءبىلدىرىپ، استاناعا العاش رەت كەلىپ وتىرعانىن ايتىپ ءوتتى. «مەن وسىمەن بىرنەشە جىلعا سوزىلىپ كەلە جاتقان سەرىكتەستىكتىڭ ءبىر بولىگى بولعانىما ماقتانامىن. ساپارىمنىڭ اياسىندا استاناداعى وسىنداي بىرەگەي EXPO-2017 كورمەسىنىڭ اشىلۋ سالتاناتىنا قاتىسۋىم مەن ءۇشىن ۇلكەن قۇرمەت. سىزدەردى وسى ىس-شارامەن قۇتتىقتايمىن»، - دەدى يسپانيا كورولى.

قازاقستان پرەزيدەنتى يسپانياعا سەگىز رەت بارعان. نازاربايەۆ سوڭعى رەت يسپانياعا 2013 جىلدىڭ اقپان ايىندا بارعان. 

يسپانيا كورولى فيليپپ VI استاناعا 9 ماۋسىم كۇنى كەلدى.

ايتا كەتسەك، وتكەن جىلى ءساۋىر ايىندا قازاقستان پرەزيدەنتى نۇرسۇلتان نازاربايەۆ يسپانيا كورولى فيليپپ VIء-تى قازاقستانعا ساپارمەن كەلۋگە، EXPO كورمەسىنە قاتىسۋعا شاقىرعان ەدى. كورمەدە يسپانيانىڭ «ەنەرگيا عالامشار ءۇشىن» پاۆيلونى جۇمىس ىستەيدى.

ايتا كەتەيىك، ەكسپو-2017 حالىقارالىق كورمەسىنىڭ سالتاناتتى اشىلۋ راسىمىنە 17 مەملەكەت جانە ۇكىمەت باسشىسىمەن بىرگە مارتەبەلى مەيمان يسپاندىق مونارح تا قاتىستى.

يسپانيا كورولى فيليپپ VIء-تىڭ بيلىككە كەلگەنىنە 19 ماۋسىمدا ءدال ءۇش جىل تولادى. يسپانيا مەن قازاقستان اراسىندا ديپلوماتيالىق قارىم-قاتىناستار 1992 جىلى ورنادى. ەكى ەل اراسىنداعى ديپلوماتيالىق قاتىناسقا 25 جىل تولدى. يسپانيا – قازاقستاننىڭ ەۋروپاداعى نەگىزگى ساياسي ارىپتەستەرىنىڭ ءبىرى جانە قازاقستانمەن ستراتەگيالىق ارىپتەستىك تۋرالى شارتقا (2009 ج.) قول قويعان ەكىنشى ەۋروپالىق ەل. 2016 جىلى تاۋار اينالىمىنىڭ كولەمى 1،35 ملرد. دوللاردى قۇرادى.

يسپانيا قازاقستاننىڭ بۇۇ-نىڭ تۇراقتى ەمەس مۇشەلىگىنە كانديداتۋراسىن قولداعان ەلدەردىڭ ءبىرى.