«رەال» شابۋىلشىسى جانە پورتۋگال قۇراماسى كريشتيانۋ رونالدۋ تاعى دا اكە بولدى، بۇل تۋرالى Qamshy.kz independent اقپاراتىنا سىلتەمە جاساپ حابارلايدى.

ەگىزدەرگە ەۆا جانە ماتەو دەپ ات قويىلعان.  ولار اقش باتىس جاعالاۋىندا ومىرگە كەلدى.  الايدا فۋتبولشى مەن ونىڭ وكىلدەرى اتالعان اقپاراتتى ءالى ناقتىلاماعان.

رونالدۋدىڭ بۇعان دەيىن ءبىر ۇلدى بولعان. ونى دا سۋرروگاتتى انا تۋىپ بەرگەن ەدى. ءقازىر كريشتيانۋ رونالدۋدىڭ ۇلكەنى 6 جاسقا تولدى. ول اكەسى سياقتى فۋتبول وينايدى.

ايتا كەتەتىن بولساق، سۋرروگات انا - بالانى ۇرىقتاندىرۋ مەن تۋۋىندا ءۇش ادام قاتىساتىن قوسىمشا رەپرودۋكتسيالىق تەحنولوگيا. 1) گەنەتيكالىق اكە - ءوزىنىڭ شاۋەتىن ۇرىقتاندىرۋ ءۇشىن بەرگەن جانە بالا تۋعاننان كەيىن اكەلىك مىندەتتى وزىنە الۋعا كەلىسكەن تۇلعا؛ 2) گەنەتيكالىق انا - ءوزىنىڭ انالىق جاسۋشاسىن ۇرىقتاندىرۋ ءۇشىن بەرگەن جانە بالا تۋعاننان كەيىن انالىق مىندەتتى وزىنە الۋعا كەلىسكەن تۇلعا؛ 3) سۋرروگات انا - بالا تۋاتىن جاستاعى، اقىلى نەمەسە اقىسىز نەگىزدە گەنەتيكالىق اتا-انالاردان بالا كوتەرۋگە جانە تۋۋعا كەلىسكەن جانە وسى بالانىڭ اناسى رولىنە تالاسپايتىن ايەل.

سۋرروگات انا قىزمەتتەرى زاڭمەن تىيىم سالىنعان الەمنىڭ فرانسيا، گەرمانيا،اۆستريا، نورۆەگيا، شۆەسيا تارىزدەس ەلدەرىمەن سالىستىرعاندا، سۋرروگات انا قازاقستاندا زاڭنامالىق دەڭگەيدە رۇقسات ەتىلگەن.