استانادا وتكەن ەنەرگەتيكا جونىندەگى VIII حالىقارالىق فورۋمىنا ساۋد ارابياسىنىڭ ەنەرگەتيكا ءمينيسترى حاليد ءال-فاليح مۇناي باعاسىنا قاتىستى بولجامىن ايتتى دەپ جازادى Qamshy.kz.

 «ەندى، مۇناي باعاسىنىڭ ناقتى باعاسىن بولجاۋ قيىن. سەبەبى وعان كوپتەگەن فاكتورلار اسەر ەتەدى. بۇدان بولەك، گەوساياسي جانە ماكروەكونوميكالىق سەبەپتەر تاعى بار. دەگەنمەن، ءبىز مينيسترلەر دەڭگەيىندە وسى ماسەلەگە اسەر ەتە الامىز. ءقازىر نەگىزگى ماقسات - مۇناي سالاسىنداعى تەپە-تەڭدىكتى ساقتاۋ. سەبەبى مۇنايدان تۇسەتىن قارجى ءبىر ايماقتا شوعىرلانسا، تۇراقسىزدىق بولادى. وندايعا جول بەرمەۋ كەرەك. سوسىن ۇسىنىس پەن سۇرانىستىڭ اراسىندا تەڭدىك بولۋى ءتيىس. سوندا مۇنايدىڭ باعاسى دا وزگەرەدى. دەگەنمەن، الداعى ۋاقىتتا مۇنايدىڭ باعاسى ءۇش ءماندى سانعا جەتەدى دەپ ايتا المايمىن. سەبەبى ۇسىنىس سۇرانىستان باسىم بولادى»، - دەگەن حاليد ءال-فاليح.