«استانا ەكسپو-2017» كورمەسى اۋماعىندا ۇلىبريتانيا پاۆيلونى كەلۋشىلەرگە ەسىگىن اشتى دەپ جازادى Qamshy.kz

ءوزىنىڭ يننوۆاسيالىق مادەنيەتىمەن تانىستىرۋعا كەلىپ وتىرعان ۇلىبريتانيا پاۆيلونىنىڭ تاقىرىبى جالپى كورمەنىڭ ۇستانعان باعىتىمەن ۇندەس. بريتاندىقتار «ەنەرگيا – ول ءبىز» دەگەن ۇرانمەن وزدەرىنىڭ ەنەرگيا جانە تاۋ-كەن سالاسىنداعى عىلىمي جانە ينجەنەرلىك تاجىريبەسىمەن ءبولىسىپ، جۇمىستارىمەن تانىستىرادى.

مۇندا كەلۋشىلەر كورمەنىڭ ورتاسىنا قاراي قاراڭعى دالىزبەن وتەدى. اۋماعى 17 مەتر، 40 مىڭ پيكسەلدى پانورامالىق ەكراندا اينالاداعى تابيعي الەم كورسەتىلگەن. بۇل گرافيكا 8 مىڭ كومپيۋتەرمەن جاسالعان. ەگەر جاقىنداپ قارايتىن بولساڭىز، اعاشتارداعى جاپىراقتاردىڭ قوزعالاتىنىن بايقاۋعا بولادى. پانورامانىڭ ىشىندە قازاقتىڭ كيىز ءۇيىنىڭ ساۋلەتىمەن جاسالعان شىنى قۇرىلىم بار. 200-گە جۋىق ۋىق تەكتەس پوليكاربوناتقا قولدى تيگىزسە، سول ساتتە-اق جارىق جانىپ، دىبىس پايدا بولادى. اينالاداعى پانوراماداعى بەينە كۇننەن تۇنگە، كۇننەن تۇنگە بىرتىندەپ اۋىسادى. وسىلايشا، اۆتورلار تابيعاتقا ەنەرگيانى ادام سىيلايتىنىن جەتكىزگىسى كەلگەن.