سيسيليا تۇرعىنى كارمينە باربارونىڭ قازاقستاندا تۇرىپ جاتقانىنا 24 جىل بولعان. سۋرەتشى بولىپ قازاقستاندا جۇمىس ىستەيتىن كارمينە قازاقتىڭ تاريحىنىڭ تەرەڭدە جاتقانىنا تاڭقالۋدان شارشامايتىنىن جەتكىزدى. قازاقستانداعى شەكسىز مۇمكىندىكتەردى دە تىلگە تيەك ەتتى. جاقىن ارادا كارمينە تارازدا وتكەن حالىقارالىق «ۇلى دالا كوكجيەگى» اتالاتىن سيمپوزيۋمدا «قازينفورم» اقپارات اگەنتتىگىنىڭ جۋرناليسىنە سۇحبات بەردى. كارمينە ءوزىنىڭ قازاقستاننىڭ ازاماتتىعىن الاتىنىن مالىمدەدى دەپ حابارلايدى قامشى اقپاراتتىق اگەنتتىگى.

«مەن بۇل مەملەكەتكە عاشىقپىن! جولىم ءتۇسىپ 1993 جىلى وسىندا كەلدىم دە، قالۋعا شەشىم قابىلدادىم. باسىندا ءوزىمنىڭ ءبىرىنشى ايەلىممەن كەلدىم. ول بۇل جاقتا تۇرعىسى كەلمەي، كەتىپ قالدى. بىرنەشە جىل وتكەن سوڭ قايتا ۇيلەندىم. مەنىڭ ايەلىم- قازاق. ەسىمى-شاربات باربارو. ايەلىم قاستەيەۆ اتىنداعى مۇراجايدا جۇمىس ىستەيدى. ۇيلەنگەنىمىزگە 12 جىل بولدى. ازاماتتىعىم ءالى دە بولسا يتاليانىكى، ال وسى جىلى ناقتى ويلانىپ ءجۇرمىن. قازاقستاننىڭ ازاماتتىعىن الاتىن دا ۋاقىت جەتتى» دەپ مالىمدەدى سۋرەتشى كارمينە.

ايتسا كەتسەك، پروفەسسور كارمينە باربارو قازاقستان رەسپۋبليكاسىنىڭ تانىمال سۋرەتشىلەرىنىڭ ءبىرى، ق ر سۋرەتشىلەر وداعىنىڭ مۇشەسى. ونىڭ قىلقالامىنان تۋعان سۋرەتتەر يتاليا، اقش، كانادا سىندى ەلدەردە جانە قازاقستانداعى قاستەيەۆ اتىنداعى مەملەكەتتىك ونەر مۇراجايىندا ءىلىنىپ تۇر. 

شولۋشى: ايگەرىم تاۋباي