10 ماۋسىم كۇنى استانا قالاسىندا حالىقارالىق ەكسپو-2017 كورمەسى اشىلدى. الايدا، ۇيىمداستىرۋشىلار بارلىعىن دايىنداپ ۇلگەرمەگەن سەكىلدى. كورمەنى تاماشالاۋعا كەلگەن قوناقتار لاس اجەتحانالار مەن تىم جوعارى باعاعا قاتىستى شاعىم بىلدىرۋدە، دەپ حابارلايدى قامشى اقپاراتتىق اگەنتتىگى Total.kz سايتىنا سىلتەمە جاساپ.

الەۋمەتتىك جەلى قولدانۋشىلارىنىڭ ايتۋىنشا، ەكسپو-2017 كورمەسىنىڭ ايماعىندا 10  ماۋسىم كۇنى اشىلۋ سالتاناتى بولعانمەن حالىق تىم از بولعان.

استانا قالاسىنىڭ تۇرعىنى ءوزىنىڭ قىزىمەن ساعات 11:00 شاماسىندا كورمەنى تاماشالاۋعا كەلگەن.  ونىڭ ايتۋىنشا، ول جەردە حالىق تىم از جانە اجەتحانالاردىڭ ەشقايسىسى دا پايدالانۋعا دايىن بولماعان، تاماق ساتىپ الاتىن جەرلەر جۇمىس ىستەمەي تۇرعان.

«ىشەتىن سۋ الاتىن جەر بار، الايدا تاماق الىپ جەيتىن بىردە-بىر جەر جوق. كىشىگىرىم دۇڭگىرشەكتەردە ادامدار تاماق ساتىپ تۇرعان، الايدا ولار تىم از جانە دە بارلىق ادامعا جەتپەيدى. بۇگىن ەكسپو-نىڭ العاشقى كۇنى، ال ولار ءالى تولىق دايىن ەمەس. جارتى ليتر كولا سۋسىنى مەن جاي اۋىز سۋى 300 تەڭگە، ال قاراپايىم كوفەنىڭ ءوزى 1000 تەڭگە تۇرادى»، - دەيدى كورمەنى تاماشالاۋعا كەلگەن ايەل.

شولۋشى: نازەركە لابيحان