پاۆلودار ورتالىعىنداعى توبەلەس ادام ولىمىمەن اياقتالدى، - دەپ حابارلايدى قامشى اقپاراتتىق اگەنتتىگى پاۆلودار جاڭالىقتارىنا  سىلتەمە جاساي وتىرىپ. قايعىلى وقيعا قالا ورتالىعىنداعى «اراي»  كافەسىنىڭ ماڭىندا 11 ماۋسىمدا تاڭعى ساعات 5.00-دە بولعان. وقيعا ورنىندا تۇسىرىلگەن ۆيدەو Instagram جەلىسىندە پايدا بولدى. 

روليكتىڭ كادرلارىنان جىگىتتەردىڭ توبەلەسىپ جاتقانىن كورۋگە بولادى. سالدارىنان ولاردىڭ ءبىرى قازا تاپقان.  "اۋىر قىلمىس جاسادى دەگەن كۇدىكپەن 25 جانە 26 جاستارداعى ەكى ەر ادام ۇستالىپ، قاماۋعا الىندى. ۇستالعاندار «اراي» كافەسىنىڭ ماڭىندا 43 جاستاعى ەر ادامدى ۇرىپ-سوققان، كەيىن ول العان جاراقاتىنان قايتىس بولعان"، - دەپ حابارلادى قالالىق ءىىد وكىلدەرى.  وسى دەرەك بويىنشا "ادام ءولتىرۋ"، " بۇزاقىلىق" باپتارىمەن سوتالدى تەرگەۋ جۇرگىزىلىپ جاتىر. 

سونىمەن قاتار، ءىىد وكىلدەرى وقيعا ورنىنان 25، 31 جانە 33 جاستارداعى ءۇش ادامنىڭ اۋرۋحاناعا جەتكىزىلگەنىن حابارلادى. 

شولۋشى: اسەل وتەشوۆا