پاۆلوداردا جاپپاي توبەلەس ناتيجەسىندە ەر ادام قايتىس بولدى، دەپ حابارلايدى قامشى اقپاراتتىق اگەنتتىگى پاۆلودار جاڭالىقتارىنا سىلتەمە جاساپ. سونىمەن قاتار وقيعا ورنىندا تۇسىرىلگەن ۆيدوە جەلىدە كەڭىنەن تارالۋدا. 

كەلەڭسىز جاعداي11 ماۋسىم كۇنى تاڭعى 5 شاماسىندا «اراي» ساۋدا ورتالىعىنىڭ الدىندا ورىن العان. كۋاگەرلەردىڭ مالىمدەۋىنشە توبەلەسكە كەمىندە 10 ادام قاتىسقان.  ناتيجەسىندە ەكى ەر ادام پىشاقپەن جاراقاتتانىپ اۋرۋحانا جەتكىزىلگەن.  ال ءبىر ەر ادام وقيعا ورنىندا كوز جۇمدى.

وبلىستىق پوليسيا قىزمەتكەرلەرىنىڭ باسپا ءسوز قىزمەتىنىڭ حابارلاۋىنشا، ادام ولىمىنە قاتىسى بار 24-26 جاستاعى ەكى كۇدىكتى ۇستالعان.

-ۇستالعاندار 43 جاستاعى ەر ادامعا دەنە جاراقاتىن سالعان. ناتيجەسىندە ەر ادام كوز جۇمدى. اتالعان دەرەكتەر بويىنشا ادام ءولىمى جانە بۇزاقىلىق ءىسى قوزعالىپ وتىر، دەپ مالىمدەدى قۇقىق قوعاۋشىلار.

دەنساۋلىقساقتاۋ باسقارماسىنىڭ مالىمەتىنشە وقيعا ورنىنان ءۇش ەر ادام اۋرۋحاناعا جەتكىزىلگەن. 31 جاستاعى اققۋ اۋىلىنىڭ تۇرعىنى مەن اققۋ اۋىلىنىڭ 25 جاستاعى تۇرعىن تەكسەرۋدەن كەيىن  امبۋلاتوريالىق ەم قابىلداۋعا جىبەرىلدى.

33 جاستاعى اققۋ اۋىلىنىڭ تۇرعىنى جانساقتاۋ بولىمىندە جاتىر.

شولۋشى : ايگەرىم تاۋباي