اعىمداعى جىل باسىنان بەرى ەلىمىزدىڭ اقشا ايىرباستاۋ پۋنكتتەرىندە ەو ەۋروسىنا سۇرانىس ارتقان. ورتا ەسەپپەن، ەلىمىزدە 400 ميلليون ($449 ميلليون) ەۋرو ساتىلعان. بۇل وتكەن جىلدىڭ كورسەتكىشىنە قاراعاندا 70،4 پايىزعا ارتىپ وتىر، دەپ حابارلايدى قامشى اقپاراتتىق اگەنتتگى Massaget.kz سايتىنا سىلتەمە جاساپ.

ەۋروعا سۇرانىس قازاقستاننىڭ باستى قالالارىندا ارتقان. ال اقش دوللارىنىڭ ساتىلىم كولەمى 25،6 پايىزعا تومەندەسا، رەسەي ءرۋبلىنىڭ قازاقستاننىڭ ۆاليۋتا نارىعىنداعى اينالىمى 4 پايىزعا تۇسكەن.

ەل ازاماتتارى 2017 جىلدىڭ العاشقى 4 ايىندا 386،2 ميلليون ەۋرو ساتىپ العان. اقش دوللارى ءبىرشاما قۇنىن جوعالتقاننان كەيىن، وعان دەگەن سۇرانىس تومەندەگەن. ال سوڭعى ءبىر اپتادا امەريكالىق ۆاليۋتا قۇنى ارتىپ كەلەدى. دەمەك وعان دەگەن سۇرانىس تا ارتا تۇسپەك.

الماتى قالاسىنىڭ تۇرعىندارى ءساۋىر ايىندا 276،6 ميلليون اقش دوللارىن (وتكەن جىل ساۋىرىمەن سالىستىرعاندا 8،5 پايىزعا كەم) ساتىپ العان بولسا، استانادا 67،3 ميلليون اقش دوللارى ساتىلعان. ال ءۇشىنشى ورىندى $38،5 ميلليون قارجىمەن وقو يەمدەندى. جىل باسىنان اقش دوللارىنا دەگەن سۇرانىستىڭ 61،1 پايىزى ەكى مەگاپوليس ەنشىسىنە تيەسىلى.

ال ەۋرو ساتىلىمى بويىنشا دا الماتى مەن استانا الدىڭعى ورىندا تۇر. جالپى سۇرانىستىڭ 61،6 پايىزىن اتالعان ەكى قالا قامتاماسىز ەتكەن. الماتىلىقتار وتكەن جىلدىڭ ءساۋىر ايىنا قاراعاندا 47،1 پايىز كوپ ەۋرو ساتىپ العان. ال استانا تۇرعىندارى 21،7 ميلليون ەۋرو (وتكەن جىلدىڭ ءساۋىر ايىمەن سالىستىرعاندا 16،4 پايىزعا كوپ) ساتىپ العان. وڭتۇستىك قازاقستان وبلىسىندا ءساۋىر ايىندا 7.5 ميلليون ەۋرو ساتىلعان. بۇل وتكەن جىلدىڭ كورسەتكىشىنەن 7،1 پايىزعا ارتىق.