كەز-كەلگەن ۇيىندە كىشكەنتاي بالاسى بار ادام  مايدا زاتتار مەن ويىنشىقتاردىڭ بالاعا  قانشالىقتى ءقاۋىپتى ەكەنىن تۇسىنەتىنى انىق.  الايدا بالانىڭ وسىنداي زاتتاردى اۋزىنا سالماۋىن قاداعالاۋ ازدىق ەتەدى. دجوردج اسان ەسىمدى ەر ادامنىڭ قىزى مايدا ساعات باتارەيكاسىن جۇتىپ قويعان. ءاۋ باستا ەشقانداي بەلگىلەر بىلىنبەگەن.  

فرانچەسكا ەسىمدى اساننىڭ  2 جاسار قىزى قاراپايىم باتارەيكانى جۇتىپ قويعان. الايدا ول قاقالماعان، تىنىس الا الماي قينالماعان. قىزدىڭ ىشىنە بارعان مەتالل توتتانعان، ناتيجەسىندە ىشكى اعزالار زاقىمدالىپ  قان كەتكەن.

«قىزىمدى جوعالتىپ الۋىم ماعان قاتتى اۋىرعا سوعۋدا. مەن ءوزىمنىڭ كىنامدى سەزىنۋدەمىن. ءبىز ەشقانداي كۇدىكتى نارسە بايقامادىق. ول باتارەيكالار سالىنعان قوراپشانى تاۋىپ العان دا ونى اۋزىنا سالعان»-دەيدى مارقۇم قىزدىڭ اكەسى.

جالپى، كۇندەلىكتى ومىردە ءبىز ساعاتقا، پلەەرگە، ويىنشىقتارعا، تەلەديدار پۋلتىنە سالىناتىن باتارەيكالاردى ءجيى قولدانامىز.  2014 جىلدىڭ وزىندە اقش-تا وسىنداي مايدا زاتتاردى جۇتۋعا بايلانىستى  3400 جاعداي ورىن العان.

بالا باتارەيكانى جۇتىپ قويسا ونى  تەز ارادا رەنتگەنگە ءتۇسىرتۋ كەرەك. سەبەبى باتارەيكا تاماققا نەمەسە اسقازانعا تۇرىپ قالىپ تاماقپەن رەاكسيا تۇسەدى، ناتيجەسىندە كاۋستيكالىق سودا پايدا بولادى. ول ىشتەگى قانسىراۋدى تۋدىرادى. وسىنىڭ بارلىعى بار جوعى 2 ساعاتتىڭ ىشىندە جۇزەگە اسادى. سوندىقتان مۇنداي توتەنشە جاعدايعا ۇشىراعان اتا-انانىڭ ۋاقىتى وتە از. 

شولۋشى: نازەركە مۇسا