سەنىمدىلىك مەدەۋ بەرەدى، ال بيزنەستەگى سەنىمنىڭ ماڭىزى زور

بۇل تۋرالى «اتامەكەن» ۇكپ ءتورالقا ءتوراعاسى تيمۋر قۇلىبايەۆ ۇكپ ىسكەر ايەلدەرى كەڭەسىنىڭ استانادا وتكەن كونگرەسىندە ايتتى. 

«قىز-كەلىنشەكتەردىڭ قىزمەتكەر رەتىندە، بيزنەس جەتەكشىسى رەتىندە ەر ازاماتتاردان ەرەكشەلىگى بار. ماسەلەن، دەرەكتەر الۋ، ەسەپتەر، بۋحگالەترلىك نەمەسە قارجىلىق ەسەپتەۋلەر قاجەت بولسا، ونىڭ ءبارى ەڭبەكقور ايەلدەر قولىمەن جاسالادى. ايەلدەر شىن مانىندە جۇمىسقا بار ءبىلىمىن سالىپ، كاسىبي تۇرعىدا كىرىسەدى، جۇمىستى بەرىلىپ ىستەيدى. ايتا كەتەيىن، سەنىمدىلىك مەدەۋ بەرەدى، بيزنەستەگى سەنىمدىلىك – باستى قاعيدالاردىڭ ءبىرى. ەلىمىز شىعىس حالقى بولۋىنا قاراماستان  شاعىن جانە ورتا بيزنەستىڭ 42%-ىن ايەلدەر باسقارادى. بۇل رەتتە ءبىلىم مەن تاجىريبە الماسۋ ماڭىزدى. وكىنىشكە وراي، بيزنەس تۇرعىسىنان العاندا قازاقستان جاس مەملەكەت بولىپ سانالادى. مەنىڭ زامانداستارىم كاسىپكەرلىكپەن اينالىسقان ءارى ءوز قاتەلىكتەرىندە شىڭدالعان العاشقى بۋىن بولىپ سانالادى. بۇگىندە ىسكەرلىك ءبىلىم الۋدا جوعارى وقۋ ورىندارى بار، «بولاشاق» باعدارلاماسى بار. وتباسىن ۇيىتىپ، بالا تاربيەلەۋمەن قاتار بيزنەسىن دە دوڭگەلەتىپ جاتقان ايەلدەر بالالارى ءۇشىن ناعىز ۇلگى. بالالار انالارىنا قاراپ بيزنەستىڭ قاجەتتىلىگىن ەرتە تۇسىنەدى. بۇل كاسىپكەرلىكتىڭ ومىرلىك مەكتەبى»، – دەدى تيمۋر قۇلىبايەۆ.

ءتورالقا ءتوراعاسى ايەلدەر كاسىپكەرلىگى ۇلتتىق پالاتانىڭ ءجىتى نازارىندا بولۋى كەرەك ەكەنىن اتاپ ءوتتى. «ىسكەر ايەلدەر كەڭەسىنىڭ كۇشى – بىرلىكتە. بۇگىندە ءار وڭىردە ىسكەر ايەلدەر كەڭەسىنىڭ وكىلدىگى بار. بۇل بۇكىل رەسپۋبليكا كاسىپكەرلەرىمەن كەرى بايلانىستىڭ بارىن ايقىندايدى. بۇكىل بيزنەس ءۇشىن، ونىڭ ىشىندە ايەلدەر كاسىپكەرلىگى ءۇشىن قارجى قولجەتىمدىلىگى ماڭىزدى. بۇل ماسەلەنى ميكرو نەسيەلەۋ  ۇيىمدارى ارقىلى شەشۋگە تىرىسۋدامىز»، – دەدى تيمۋر قۇلىبايەۆ.

ەسكە سالساق، 2016 جىلى «اتامەكەن» 6 وڭىردە، ياعني الماتى، اقتوبە، قىزىلوردا، ماڭعىستاۋ، جامبىل، قوستاناي وبلىستارىندا شاعىن نەسيە بەرۋدىڭ پيلوتتىق جوباسىن ىسكە قوستى.

شاعىن قارجى ورتالىعى كەپىلدىككە جىلجيتىن/جىلجىمايتىن مۇلىك، جەر ۋچاسكەسىن، اۆتوكولىك، اۋىل شارۋاشىلىعى تەحنيكاسى مەن جادبىعىن الا وتىرىپ، «جۇمساق» ساياساتتى ۇستانادى. نەسيە بەرۋ تۋرالى شەشىمدى بيزنەس قوعامداستىق وكىلدەرىنەن تۇراتىن وڭىرلىك كەڭەس قابىلدايدى. بۇل پيلوتتىق جوبا بۇگىندە ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋ مەملەكەتتىك باعدارلاماسىنىڭ نەگىزىنە الىندى. باعدارلاما اياسىندا 7 جىلعا 6% مولشەرلەمەمەن 18 ملن تەڭگەگە دەيىن سومادا نەسيە بەرىلۋ قول عا الىندى.

«اتامەكەن» ۇلتتىق كاسىپكەرلەر پالاتاسى مۇنىمەن قوسا «Bastau بيزنەس» جوباسىن ىسكە قوستى. بيىل جوبا اياسىندا 15 مىڭ جۇمىسسىز جانە ءوزىن-وزى جۇمىسپەن قامتىعان اۋىل تۇرعىندارى كاسىپكەرلىك نەگىزدەرىنە وقىتىلادى. ول ءۇشىن 80 اۋدانعا 1 ملرد 200 مىڭ تەڭگە قاراجات بولىنگەن. ناتيجەسىندە بيىلعى جىلى 3000 كاسىپكەرلىك سۋبەكتىسى اشىلۋى كەرەك. ال كەلەسى جىلدان باستاپ «Bastau بيزنەس» جوباسىنىڭ اۋقىمى كەڭەيىپ، قاتىسۋشىلار سانى ۇلعايماق. 2021 جىلى 30 مىڭ تۇرعىن قامتىلىپ، كەمىندە 6000 بيزنەس ىسكە قوسىلۋى كەرەك. بۇل ماقسات ءۇشىن جىل سايىن 2 ملرد 400 ملرد تەڭگە بولىنبەك.

«ەندى ءبىلىم العان اۋىل تۇرعىندارى ءوز بيزنەسىن قالاي جۇرگىزىپ، وتباسىن قالاي اسىراۋ كەرەكتىگىن بىلەدى. مۇنىڭ ماڭىزى وتە زور جانە جاعىمدى وقيعالار وڭ اسەرىن تيگىزەرى انىق. جەتىستىگىنە كۋا بولعان جاقىندارىنىڭ كوكىرەگىندە جەكە كاسىپپەن اينالىسىپ، وتباسىن باعۋعا دەگەن سەنىم ۇيالايدى. بۇل جەكە كاسىپپەن اينالىسۋعا ىنتالاندىراتىنى انىق. ال «اتامەكەن» ءاردايىم قولداۋ كورسەتۋگە دايىن»، – دەدى ۇلتتىق پالاتا باسشىسى.

كونگرەسس بارىسىندا «اتامەكەن» ۇكپ ءتورالقا ءتوراعاسى تيمۋر قۇلىبايەۆ ىسكەر ايەلدەر كەڭەسىنىڭ ءتورت مۇشەسىنە «ءوز ىسىنە ادالدىعى ءۇشىن» ۇلتتىق پالاتانىڭ ءىىى دارەجەلى مەدالىن تابىستادى.

ايتا كەتەر بولساق،  «اتامەكەن» ۇكپ ىسكەر ايەلدەر كەڭەسىن قۇرۋدىڭ باستى يدەياسى – ءوڭىر ايەلدەرىنىڭ ىسكەرلىك ورتاداعى بەلسەندىلىگىن كۇشەيتۋ.  ايەل-كاسىپكەرلەردىڭ ەكونوميكالىق بەلسەندىلىگىن ىنتالاندىرۋ، ايەلدەردىڭ جەكە كاسىپكەرلىككە ارالاسۋىن، ولاردىڭ ەكونوميكالىق باستامالارىن قولداۋ جانە ەكونوميكالىق مۇمكىندىكتەرىن  كەڭەيتۋ كەڭەستىڭ باستى مىندەتى. ۇيىمدا 700 -دەن استام كاسىپكەر ايەل مۇشەلىكتە.