اقش-تا ەكى پروكۋرور پرەزيدەنت دونالد ترامپتىڭ ۇستىنەن شەتەلدىك كىرىستەرى ءۇشىن سوتقا شاعىم تۇسىرمەك، دەپ حابارلايدى قامشى اقپاراتتىق اگەنتتىگى شەتەلدىك ب ا ق مالىمەتىنە سۇيەنىپ.
مەريلەند شتاتىنىڭ پروكۋرورى كارل رەيسين مەن كولۋمبيا وكرۋگىنىڭ وكىلى برايان فروشتىڭ ايتۋىنشا، ترامپ سىبايلاس جەمقورلىققا قارسى زاڭدى بۇزعان. ويتكەنى ول بيلىك باسىنا كەلگەننەن كەيىن ءوزىنىڭ جەكە كاسىبىن ۇلدارىنا بەرەتىنىن مالىمدەسە دە ونىمەن اينالىسۋىن توقتاتپاعان. ايىپتاۋشىلاردىڭ مالىمدەۋىنشە، ەگەر فەدەرالدى سوت ءىستى قاراۋعا كىرىسسە اق ءۇي باسشىسى سىرتقى ساۋدا كەلىسىمدەرى كولەمىن باعالاۋ ءۇشىن سالىق دەكلاراسيالارىن جاريالاۋى كەرەك. سوندىقتان ءىس جوعارعى سوتقا دەيىن جەتەدى دەگەن بولجام بار. ال اقش زاڭناماسىنا سايكەس، مەملەكەتتىك قىزمەتكەرلەرگە شەتەلدىك ۇكىمەتتەردەن سىياقى الۋعا تىيىم سالىنعان.
شولۋشى: ايگەرىم تاۋباي
