پەتەربۋرگتە پوليسەيگە كۇش قولدانعان ەكىنشى ادامعا قاتىستى قىلمىستىق ءىس قوزعالدى دەپ حابارلايدى قامشى اقپاراتتىق اگەنتتىگى bbc-گە سىلتەمە جاساپ.
«2017 جىلدىڭ 12 ماۋسىمىندا رۇقسات ەتىلمەگەن ميتينگىدە بەلگىسىز ەر ادام پوليسەيدىڭ بەتىنە جۇدىرىقپەن ۇرعان» دەيدى باسقارمادى.
پوليسەيلەر قانداي جاراقات العانى تۋرالى ەشقانداي اقپارات جوق. ءقازىر تەرگەۋشىلەر شابۋىلداعان ەر ادامدى ىزدەستىرىپ جاتىر.
رەسەيدىڭ 10 قالاسىندا بولعان جەمقورلىققا قارسى اكسياداعى بۇل ەكىنشى قىلمىستىق ءىس.
ەكىنشى ادام ماسكەۋدە وتكەن ميتينگىدە رەسەيلىك گۆارديانىڭ ساربازىنا كۇش كورسەتكەنى ءۇشىن ونىڭ ۇستىنەن قىلمىستىق ءىس قوزعالدى. كۇدىكتى ۇستالدى. ءاتى-جونىن ايتپاي وتىر.
ايتا كەتەيىك، 12 ماۋسىمدا رەسەيدىڭ بىرنەشە قالاسىندا رۇقسات ەتىلگەن جانە رۇقسات ەتىلمەگەن ميتينگىلەر ءوتتى. ماسكەۋ، پەتەربۋرگتەگى شەرۋگە رۇقسات بەرىلمەگەن.
شولۋشى: اسەم المۇحانبەت
