شىمكەنتتىڭ مامانداندىرىلعان قىلمىستىق سوتىندا وڭتۇستىك قازاقستان وبلىسىنىڭ ءۇش تۇرعىنىنا قاتىستى سوت شەشىم شىعاردى دەپ حابارلايدى قامشى اقپاراتتىق اگەنتىگى Otyrar.kz-كە سىلتەمە جاساپ.

وتكەن جىلدىڭ قاراشا ايىندا تۇسكى 12-دە قالانىڭ ورتالىعىندا ءۇش ەر ادام رولدە ايەل وتىرعانىن پايدالانىپ، Toyota Land Cruiser كولىگىن ايداپ كەتكەن. ايەلگە كۇش كورسەتىپ، ونى وزدەرىمەن بىرگە قالا سىرتىنا الىپ كەتكەن. سول جەردە كولىك يەسىن تاستاپ، وزدەرى ۇرلانعان كولىكتەردى ساتۋمەن اينالىساتىن ادامعا كولىكتى تاپسىرۋعا شىققان.

تەكسەرۋ بارىسىندا ۇستالعان ءۇش ەر ادامنىڭ بۇعان دەيىن دە كولىك ۇرلاۋمەن اينالىسقانى بەلگىلى بولدى.

سوت ولاردى وزگەنىڭ دەنساۋلىعى مەن ومىرىنە ءقاۋىپ ءتوندىرىپ، مۇلىگىنە قول سالۋ بويىنشا كىنالى دەپ تاۋىپ، 10 جىلدان 11،5 جىلعا دەيىن باس بوستاندىعىنان ايىردى. ولار جازاسىن قاتاڭ تۇزەتۋ مەكەمەسىندە وتەيدى. شەشىم ءالى زاڭدى كۇشىنە ەنبەدى.

شولۋشى: اسەمالمۇحانبەت