پاۆلودار وبلىسىندا «كوكنار» ەسىرتكىگە قارسى وپەراسياسىن وتكىزۋ بارىسىندا پوليسەيلەر ەلىمىزدىڭ وڭتۇستىك وڭىرىنەن ەسىرتكى تاسىمالداۋىنا توسقاۋىل قويدى، دەپ حابارلايدى pavlodarnews.kz. وبلىستىق ءىىد باسپا ءسوز قىزمەتىنىڭ مالىمەتىنشە، كۇدىكتى رەتىندە ق ر قك-نىڭ 297-بابى، 3-بولىگىنە سايكەس 32 جاستاعى تۇرعىن ۇستالدى. ەسىرتكى ساتۋدى كوزدەگەن ەر ادامنان 100 كەلى «ماريحۋانا» تاركىلەندى. الىنعان زاڭسىز اينالىمنىڭ قۇنى 12 ميلليون تەڭگەنى قۇرايدى. ونىڭ 1،5 ميلليون تەڭگەدەن استام تۇراتىن ءبىر رەتتىك دوزاسىنىڭ ساۋدالاۋىنا جول بەرىلمەدى.

بۇدان باسقا، ەسىرتكى بيزنەسىنە قارسى كۇرەس قىزمەتكەرلەرى ەسىرتكى ساتۋ جانە وتكىزۋمەن اينالىساتىن 23، 30 جانە 33 جاستاعى ءۇش وبلىس تۇرعىنىنان تۇراتىن قىلمىستىق توپتى قولعا ءتۇسىردى. ولاردان ءۇش كەلىدەن اسا «گاشيش» ەسىرتكى قۇرالى الىندى. زاڭسىز اينالىمنىڭ قۇنى 1،5 ميلليون تەڭگەنى قۇرايدى. ونىڭ ىشىندە 100 مىڭنان اسا ءبىر رەتتىك دوزاسىن ساتۋدىڭ جولى كەسىلدى. - قازىرگى ۋاقىتتا ق ر قك-نىڭ 297-بابى، 3-بولىمىندە قاراستىرىلعان قىلمىس بەلگىلەرى بويىنشا سوتقا دەيىنگى تەرگەۋ جۇرگىزىلۋدە. سانكسيا بويىنشا كۇدىكتىلەردىڭ مۇلكى تاركىلەنىپ، 15 جىلعا دەيىن باس بوستاندىعىنان ايىرۋ تۇرىندە جازا قاراستىرىلۋدا. بارلىق كىنالى ازاماتتار پاۆلودار قالاسى ىشكى ىستەر باسقارماسىنىڭ ۋاقىتشا ۇستاۋ يزولياتورىنا قامالدى، - دەدى دەپارتامەنتتە.