ەكسپو باستالا سالىسىمەن جەزوكشەلەر استانادا شەت ءتىلىن مەڭگەرىپ العان. سول سەبەپتى دە الاتىن اقىسىنىڭ قۇنىن قىمباتتاتىپ جىبەرىپتى. ولارعا جەڭگەتايلار دا اشىقتان اشىق كومەكتەسە باستاعان.

ولاردىڭ ەركىنسىگەنى سونشالىق قازىرگى قاسيەتتى رامازان ايىندا دا ايىلىن جيماي تۇر، دەپ حابارلايدى قامشى اقپاراتتىق اگەنتتىگى ەۆرازيا ارناسىنا سىلتەمە جاساپ.

استاناداعى تەمىر جول ۆوكزالىنىڭ ماڭىندا جەزوكشەلەردىڭ قىزمەتىن ۇسىنعان قىز-كەلىنشەكتەردەن اياق الىپ ءجۇرۋ مۇمكىن ەمەس. قىز بازارى قىزىپ تۇر.

«بىزگە قىتايلار، تۇرىكتەر كەلەدى. جەزوكشەلىك قىزمەت كورسەتەتىن 1996، 1997 جىلعى قازاق قىزدارى»، – دەيدى جەڭگەتايدىڭ ءبىرى.

ىشكى ىستەر قىزمەتى ەكسپو-عا بايلانىستى قوعامدىق ءتارتىپتى رەتكە كەلتىردىك دەپ ەسەپ بەرگەنىمەن، ءبارى ءباز باياعى قالپى. وزگەرگەن ءبىر عانا نارسە – جەزوكشەلەر كليەنتتەرىن رەنجىتىپ الماس ءۇشىن شەت ءتىلىن مەڭگەرگەن.

«مەندە 4 قىز بار. ولاردى ۇسىنۋعا ۇيالمايسىزدار. ءبارى قازاق قىزدار. ورىسشا بىلەدى، اعىلشىن تىلىنە دە تۇسىندىرە الادى. ءبارى ادەمى قىزدار»، – دەيدى جەڭگەتاي.

ەلورداعا كەلەتىن مىڭ سان قوناقتان دامەلى جەزوكشەلەردىڭ قىزمەت قۇنى دا شارىقتاپ كەتكەن. ينتيمدىك سايتتارداعى جارنامالار بويىنشا ولاردىڭ ءبىرقاتارىنا قوڭىراۋ شالىپ كوردىك.

«بىزدە جۇڭگو ءتىلىن بىلەتىن قىزدار بار. ءبىر تۇنگە 150 مىڭ تەڭگە. ءبىر ساعاتقا 20 مىڭ تەڭگە»، -دەيدى ءينتيمدى قىزمەت كورسەتۋشىلەر.

ۆوكزال ماڭىنداعىلارمەن سالىستىرعاندا ينتەرنەت جارنامالارداعى قىزداردىڭ قىزمەتى قىمبات.

ءبىزدىڭ استارلى سۇراقتارىمىزدان شىرقى بۇزىلعان جەڭگەتايلاردىڭ جايى پوليسەي قىزمەتكەرلەرىنە دە بەلگىلى بولا قالدى. كامەرانىڭ قۇدىرەتىنەن سەسكەنگەن ولار جۇمىس ىستەگەن سىڭاي تانىتىپ، ۆوكزال ماڭىندا قاپتاپ كەتتى.

ال، جۋىردا ەلوردالىق سپيد (جيتس) ورتالىعى قالاداعى جەزوكشەلەردىڭ ۆەنەرولوگيالىق اۋرۋلارعا شالدىققانىن جاريالادى.

ءتانىن ساۋدالاعاندارعا ەلىمىزدە ەشقانداي جازا جوق. ولاردىڭ تەك قۇجاتىن تەكسەرىپ، تىركەۋگە قويعاننان باسقا زاڭدى شارا قابىلدانباعان.