اقمولا وبلىستىق سوتى جاننا بەردىعۇلوۆانىڭ ولىمىنە قاتىستى پىكىر ءبىلدىردى. وبلىستىق سوتتىڭ باسپا ءسوز حاتشىسى كۇلاش دومالاقوۆانىڭ ايتۋىنشا، قىلمىستىق ىستەر جونىندەگى سوت القاسىنىڭ ءتورايىمى جاننا بەردىعۇلوۆا قان قىسىمىنىڭ كوتەرىلگەنىن ايتىپ، ۇيىنە ەرتەرەك كەتىپ قالعان، دەپ حابارلايدى قامشى اقپاراتتىق اگەنتتىگى Tengrinews.kz سايتىنا سىلتەمە جاساپ.

كۇلاش دومالاقوۆا بەردىعۇلوۆا جۇمىسقا شىقپاعان كۇنى ارىپتەستەرى ىزدەي باستاعانىن ايتىپ بەردى. وبلىستىق سوتتىڭ قىزمەتكەرلەرى پاتەرگە كىرىپ، جۋىنۋ بولمەسىندە ونىڭ ءمايىتىن تاپقان. باستاپقىدا ول دەنساۋلىعى سىر بەرىپ، قايتىس بولعان دەگەن نۇسقا قاراستىرىلعان. كەيىن جەدەل جاردەم شاقىرتىلعان، الايدا ولار ولىمگە شاقىرتۋ المايتىنىن ايتقان. سوندىقتان وقيعا ورنىنا قۇقىق قورعاۋ ورگاندارى شاقىرتىلعان. ال كەيىن سوت-مەديسينالىق ساراپتامادان ايەلدىڭ قىلعىنىپ ولگەنىن انىقتالعان.

جاننا بەردىعۇلوۆانىڭ پاتەردە جالعىز تۇرىپ كەلگەنى انىقتالدى. سونىمەن قاتار، ۇستالعان كۇدىكتىنىڭ ءىسى بويىنشا ەشقانداي دا قىلمىستىق ءىستى ونىڭ جۇرگىزبەگەنى بەلگىلى بولدى.

وسىعان دەيىن كوكشەتاۋدا اقمولا وبلىستىق سوتىنىڭ اپەللياسيالىق-قىلمىستىق ىستەر جونىندەگى القا ءتورايىمى جاننا ءباردىقۇلوۆا ءولى تابىلعانى حابارلانعان ەدى. بەردىقۇلوۆانىڭ ءمايىتى 13 ماۋسىمدا تابىلعان. مارقۇمنىڭ ارىپتەستەرى ونىڭ جاقىندارى مەن تانىستارىنا كوڭىل ءبىلدىرىپ جاتىر. جاننا بەردىقۇلوۆا نەبارى 46 جاستا بولعان.  جەدەل-ىزدەستىرۋ شارالارىنىڭ بارىسىندا وسى قىلمىستى جاسادى دەگەن كوكشەتاۋلىق ۇستالعان. ول 1984 جىلعى، اسا اۋىر قىلمىسى ءۇشىن سوتتى بولعان. ول قىلمىسىن مويىنداعان.

جاننا بەردىعۇلوۆا سوت جۇيەسىندە 28 جىل قىزمەت ەتكەن.