35 جاستاعى دجو ەسىمدى ايەل بريتانينىڭ تۋماسى. ونى كورگەن حالىق جۇكتى دەپ ويلايتىنى انىق. قوعامدىق كولىكتەردە وعان ورىن بەرىپ، قاشان بالاسىن دۇنيەگە اكەلەتىنىن سۇرايدى ەكەن. الايدا دجو ەكى قابات ەمەس ەدى.

شىن مانىسىندە ونىڭ ۇلكەن ءىشى الكوگولدى ىشىمدىككە اۋەستىكتەن پايدا بولعان.

بىرنەشە جىل باردا جۇمىس ىستەپ دجو كۇندە ىشىمدىك ىشۋگە ادەتتەنىپ الادى. بەس جىلدىڭ ىشىندە جاعدايدىڭ ۋشىققانى سونشالىق، ايەل كۇنىنە ءۇش بوتەلكە شاراپ ىشەتىن جاعدايعا جەتكەن. مۇنداي كولەمدە ىشىمدىك ءىشۋ ايەلدىڭ باۋىرىنا زاقىم كەلتىرمەي قويمادى. ونىڭ جەگەن، ىشكەنى ىشىنە جايىلا باستادى.  

باۋىر سيرروزى اۋرۋىندا ساۋ تەرىنى تىرتىقۇلپاسى باسادى. دجونىڭ اعزاداعى تاۋەلدىلىگىنڭ سالدارىنان سۇيىقتىق تۇرىپ قالاتىن بولعان. ءار ءۇش اپتادا ءبىر رەت ايەل اۋرۋحاناعا بارىپ ىشىندەگى سۇيىقتىقتى شىعارىپ وتىرعان. ينە مەن كاتەتەر قويىلاتىن بۇل پروسەدۋرا قاتتى اۋىرتاتىن.

دجونىڭ باقىتىنا وراي، ول ءوز تاۋەلدىلىگىن جەڭە الدى. الايدا باۋىرىنىڭ ساۋلىعىن ەشقاشان قايتارا المايدى. ىشىنە جينالعان سۇيىقتىقتان ايەلدىڭ ءجۇرىپ-تۇرۋى قيىنداعان. وسىنداي ساتتە وعان اناسى قول ۇشىن بەرگەن.

دجونىڭ وقيعاسى ىشىمدىكتى شامادان تىس ءىشۋدىڭ سالدارى اۋىر بولاتىنىن تاعى ءبىر دالەلدەدى.

شولۋشى: اسەم المۇحانبەت