BMW اۆتوكولىگىن مىنەگەن باسكەسەرلەر MAN جۇك كولىگىن جول بويىندا قىسپاققا الادى. كولىك جۇرگىزۋشىسى امالسىز توقتاۋعا ءماجبۇر بولادى. باسكەسەرلەر جۇك كولىگىنىڭ ىشىندەگى بارلىق جولاۋشىلاردى سىرتقا شىعارىپ، سوققىعا جىعىپ، بايلاپ تاستايدى.  بۇل جاعداي تۇركىستان قالاسىندا 17 مامىر كۇنى ورىن العان بولاتىن. ەندى عانا قىلمىسكەرلەردىڭ ىزىنە ءتۇسىپ، 6 كۇدىكتىنى قۇرىقتالدى. بۇل تۋرالى قامشى اقپاراتتىق اگەنتتىگى liter.kz-كە سىلتەمە جاساپ حابارلايدى. 

«قىلمىسكەرلەر وزدەرىمەن بىرگە 30 مىڭ تەڭگە جانە بىرنەشە ۇيالى تەلەفون الىپ كەتكەن. جۇك كولىگىنىڭ ىشىنەن 185 مىڭ تەڭگە اقشا الىپ، جۇك كولىگىندەگى بارلىق تيەلگەن جۇكتى قولدى ەتكەن. جۇك كولىگىندە 5-6 توننا ءتۇرلى ءتۇستى مەتالل بولعان»، دەپ حابارلادى تۇركىستان قالاسىنىڭ پروكۋرورى رۋسلان ابدرايموۆ.

اتالعان ءىس بويىنشا تەرگەۋ جۇمىستارى جۇرگىزىلۋدە. 

شولۋشى: ايگەرىم تاۋباي