بۇگىندە بوتەننىڭ مۇلكىن ۇرلاۋ ۇلكەن ماسەلەگە اينالىپ وتىر. رەسمي دەرەك بويىنشا، استانادا جاسالاتىن ۇرلىقتىڭ 80 پايىزى – قالتا ۇرلىعى. اسىرەسە قوعامدىق ورىنداردا اۆتوكولىك توناۋ، ۇيالى تەلەفون ۇرلىعى، قۇرىلىس وبەكتىلەرى مەن پاتەر توناۋ تيىلماي كەلەدى. 

ىشكى ىستەر ءمينيسترى قالمۇحانبەت قاسىموۆ ۇيالى تەلەفونداردى ۇرلاۋعا قارسى كۇرەس تۋرالى ايتىپ بەردى، - دەپ حابارلايدى قامشى اقپاراتتىق اگەنتتىگى.

"ۇيالى تەلەفوندى ۇرلاۋدى پايداسى ءارى ءمانسىز ەتۋ بويىنشا شارا قولدانىپ جاتىرمىز. ۇرلعان ادام ونى ءوزى پايدالانا المايتىن نەمەسە ساتا المايتىن بولۋ كەرەك. قاجەتتى شارالار جۇزەگە اسىرىلىپ جاتىر. تەك ۇيالى بايلانىس وپەراتورلارىمەن شەشەتىن تەحنيكالىق جانە ۇيىمداستىرۋشىلىق ماسەلەلەر بار"، - دەيدى قاسىموۆ حالىقپەن ەسەپتىك كەزدەسۋى كەزىندە. 

قازاقستاندا قالتا ۇرىلارىنىڭ قولىنا ەڭ وڭاي ءارى ەڭ كوپ تۇسەتىن «ولجا» - ول ۇيالى تەلەفون. بۇنى قۇقىق قورعاۋشىلار دا راستاپ وتىر. باس پروكۋراتۋرانىڭ جانىنداعى زاڭدىلىقتى، قۇقىقتىق ءتارتىپتى جانە قىلمىسقا قارسى كۇرەستى قامتاماسىز ەتۋ جونىندەگى ۇيلەستىرۋ كەڭەسىنىڭ وتىرىسىندا بەلگىلى بولعانداي، قازاقستاندا تىركەلگەن 100 ۇرلىق فاكتىسىنىڭ 21ء-ى ۇيالى تەلەفونعا قاتىستى ەكەن.

شولۋشى: ايگەرىم تاۋباي