14-16 ماۋسىم ارالىعىندا استانادا قازاقستاندا ەۋروپا كۇنىن اتاپ ءوتۋ اياسىندا ەۋروپا كينوفەستيۆالى وتۋدە. بيىل كورەرمەندەر نازارىنا ەۋروپالىق وداققا مۇشە مەملەكەتتەردىڭ ۇزدىك كينوفيلمدەرى ۇسىنىلادى. فەستيۆال باعدارلاماسىنا چەحيا، اۆستريا، شۆەسيا، ەستونيا، يسپانيا، سلوۆەنيا، گەرمانيا، فرانسيا، نيدەرلاندى، ليتۆا، رۋمىنيا، سلوۆاكيا جانە لاتۆيا ەلدەرىندە تۇسىرىلگەن 13 فيلم كىردى دەپ حابارلايدى قامشى اقپاراتتىق اگەنتتىگى.

كينو تۋىندىلارى اراسىندا ءارتۇرلى جانرداعى كينو سالاسىنداعى حالىقارالىق ماراپاتتاردىڭ جۇلدەگەرلەرى مەن ۇمىتكەرلەرى بار، اتاپ اي̆تقاندا، 1987 جىلعى «وسكار» سىي̆لىعىنىڭ ۇزدىك شەتەلدىك فيلم اتالىمىنا ۇمىتكەر - "دەريەۆەنكا مويا سەنترالنايا" ءفيلمى (چەحيا)، ەۋروپا كينواكادەمياسىنىڭ جۇلدەگەرى، 10 "گوي̆يا" سىي̆لىعىنىڭ يەگەرى - "مينياتيۋرنىي̆ وستروۆ" (يسپانيا) ءفيلمى، رۋمىنيا كينەماتوگرافيستەر وداعى سىي̆لىعىنىڭ يەگەرى - "وبەزگلاۆلەننىي̆ پەتۋح" ءفيلمى جانە كوپتەگەن باسقالارى.

14 ماۋسىم كۇنى فەستيۆال اشىلۋىندا كورەرمەندەرگە فينليانديا، ەستونيا مەن گەرمانيا بىرىگىپ تۇسىرگەن "فەحتوۆالششيك" ءفيلمى كورسەتىلەدى. 2015 جىلى اتالمىش فيلم «التىن گلوبۋس» سىي̆لىعىنىڭ شەتەل تىلىندەگى ۇزدىك فيلم اتالىمىنا ۇسىنىلدى، ال 2016 جىلى فينليانديانىڭ ۇلتتىق «يۋسسي» كينوجۇلدەسىنىڭ 2015 جىلعى ۇزدىك ءفيلمى اتاعىن يەلەندى

شارانىڭ اشىلۋ سالتاناتىنا قازاقستانداعى ەۋروپالىق وداق وكىلدىگىنىڭ باسشىسى، ەلشى ترايان حريستەا، فينليانديانىڭ قازاقستانداعى ەلشىسى يلككا رەي̆سانەن جانە ەستونيانىڭ ۋاقىتشا سەنىمدى وكىلى پيتەر ميللەر قاتىسادى.

«ءبىزدىڭ جىل ساي̆ىن ۇي̆ىمداستىرىلاتىن ەۋروپالىق كينوفەستيۆالدەرىمىز – ەۋرووداقتىڭ «بىرلىك – سانالۋاندىلىقتا» ۇرانىنىڭ كورىنىسى.فەستيۆال باعدارلاماسىندا ءارتۇرلى جانرداعى فيلمدەر ۇسىنىلعان – كوكەي̆تەستى، ومىردەگى ەڭ ماڭىزدى ماسەلەلەردى قوزعاي̆تىن، ءارى، ەڭ باستىسى، قىزىقتى تۋىندىلار. ەۋروپالىق كينو ونداعى اسەرلى، وزىندىك ەرەكشەلىكتەرگە تولى وقيعا جەلىسىمەن جانە باياندالاتىن وقيعالاردىڭ وزەكتىلىگىمەن وزگەشە. كينوفەستيۆال، يگى داستۇرگە اي̆نالا وتىرىپ، قازاقستانداعى ەۋروپا كۇنىن اتاپ ءوتۋ شاراسىنىڭ كەرەمەت اياقتالۋىنا مۇرىندىق بولاتىنىنا، سونىمەن بىرگە، ەۋروپالىق بولمىس الەمىنە ساياحاتتاۋعا مۇمكىندىك بەرەتىنىنە سەنىمدىمىن»، - دەپ اتاپ ءوتتى ەلشى ترايان حريستەا.

فەستيۆالدىڭ قورىتىندى كۇنى، 16 ماۋسىمدا، قازاقستاندىق رەجيسسەر كاتەرينا سۋۆوروۆانىڭ "زاۆترا مورە" ءفيلمىنىڭ كورسەتىلىمى، سونداي̆-اق،رەجيسسەردىڭ كورەرمەندەرمەن كەزدەسۋى وتەدى. "زاۆترا مورە" دەرەكتى ءفيلمى بۇرىنعى ارال تەڭىزى جاعالاۋى تۇرعىندارىنىڭ ءومىرى تۋرالى بايانداي̆دى. فيلم روبەرت بوش اتىنداعى نەمىس قورى تاعاي̆ىنداي̆تىن گرانت جۇلدەگەرى بولىپ تابىلادى. ءفيلمنىڭ تۇساۋكەسەرى 2016 جىلى تامىزدا لوكارنو كينوفەستيۆالىندە وتكەن بولاتىن.

.