ماجىلىستەگى حالىقتىق كوممۋنيستەر پارتياسى فراكسياسىنىڭ مۇشەسى ايقىن قوڭىروۆ پرەمەر-مينيستر باقىتجان ساعىنتايەۆقا دەپۋتاتتىق ساۋال جولداپ، جاڭادان قابىلداناتىن سالىق كودەكسىندە ستاۆكالار حالىقتىڭ تابىسىنا قاراي وزگەرمەلى بولۋى قاجەتتىگىن ايتتى. ونداي وي دەپۋتاتتىڭ باسىنا كاپيتالدى لەگاليزاسيالاۋ پروسەسىنەن كەيىن تۋعان ەكەن.

          وسى پروسەستىڭ ناتيجەسىندە ەڭبەككە جارامدى 9 ملن. حالقى بار ەلىمىزدە سوڭعى ۋاقىتقا دەيىن تابىسىن جاسىرىپ كەلگەندەر 11800 ەسەپشوت اشىپ، وعان 4،1 تريلليون تەڭگە ءتۇسىرىپتى... ورتاشا ەسەپتەگەندە بۇل ءبىر ەسەپشوتقا 347 ملن. تەڭگەدەن كەلەدى دەگەن ءسوز. بۇل قازاقستانداعى ورتاشا رەسمي ەڭبەكاقىدان 2500 ەسە، جان باسىنا شاققانداعى ورتاشا تابىستان 4300 ەسە ارتىق. ال حالىقتىڭ تابىسىنىڭ ايىرماشىلىعى وسىنداي بولىپ تۇرعان جاعدايدا سالىق سالۋ جۇيەسى بارىنە بىردەي. كەڭەستىك كەزەڭنەن قالعان جۇرتتىڭ بارىنە تەڭ سالىقتىق جۇيەنى قولدانۋ ءقازىر قول ەمەس. ويتكەنى، تابىس ايىرماشىلىعى وراسان بولعاندا - ول ەكونوميكالىق تا، الەۋمەتتىك تە لوگيكاعا كەلمەيتىن ادىلەتسىزدىك. سالىقتى باسقا حالىقپەن بىردەي عانا تولەيتىن جوعارى تابىستىلار اقشاسىن قايدا جۇمساۋدى بىلمەي زەرىككەندىكتەن وتە قىمبات جىلجىمايتىن مۇلىكتەر، قاجەتسىز كولىكتەر مەن استاتوك شىعىندارعا بارادى.

         سوندىقتان سالىقتى تابىسقا قاراي پروگرەسشىل شكالامەن كوبەيتىپ وتىرۋ كەرەك. مۇنداي تاجىريبە جوعارى دامىعان ەلدەردىڭ بارىندە قولدانىلادى. سونىمەن قاتار مەسەناتتىقتى ىنتالاندىرۋ ءۇشىن قايىرىمدىلىق شىعىندارى سالىقتان بوساتىلعانى دۇرىس دەيدى دەپۋتات ءوزىنىڭ ساۋالىندا ب.ساعىنتايەۆقا.

          بۇل ساۋالدى فراكسيانىڭ بارلىق مۇشەلەرى دە قولداپ، قولدارىن قويدى.

س.ەلەۋ، ساراپشى