ەكىباستۇزدىق جىگىت ءوزىنىڭ سۇيىكتىسىنىڭ ءتانىن ساۋدالاعان، - دەپ حابارلايدى قامشى اقپاراتتىق اگەنتتىگى Tengrinews.kz سايتىنا سىلتەمە جاساپ.

پوليسەيلەردىڭ سوزىنشە، 29 جاستاعى ەكىباستۇز قالاسىنىڭ تۇرعىنى 23 جاستاعى سۇيىكتىسىن جەزوكشەلىكپەن اينالىسۋعا ماجبۇرلەگەن. كۇدىكتىنىڭ قىزعا ءتورت اي بويى قورلىق كورسەتكەنى انىقتالعان. "ۇستالعان ازامات بيىل مامىردان ماۋسىمعا دەيىن كۇش كورسەتۋ مەن قورقىتۋ ارقىلى ءوزىنىڭ قىزىن جەزوكشەلىكپەن اينالىسۋعا ماجبۇرلەگەن. ول قالاداعى ساۋنالاردىڭ بىرىندە جۇمىس ىستەگەن، بىرگە تۇرىپ جاتقان ءوز قىزىن دا سول جەردە ساۋدالاپ، پايدا تاپقان"، - دەيدى باسپا ءسوز قىزمەتىنىڭ وكىلدەرى.  

ءقازىر ەر ادامعا قاتىستى "جەزوكشەلىكپەن اينالىسۋعا تارتۋ" بابى بويىنشا سوتقا دەيىنگى تەرگەۋ باستالدى. بۇل باپ بويىنشا ەر ادام 3 000 اەك ايىپپۇل نەمەسە ءۇش جىلعا دەيىن باس بوستاندىعىنان ايىرىلادى، سونداي-اق مۇلكى تاركىلەنە وتىرىپ، ءۇش جىلعا سوتتالۋى مۇمكىن.