اقتوبەدە دەرتى اسقىنعان 2 ايەلگە باۋىر الماستىرۋ وتاسى جاسالدى. بۇل تۋرالى قامشى اقپاراتتىق اگەنتتىگى حابار ارناسىنا سىلتەمە جاساپ حابارلايدى. ساناۋلى كۇندەرى قالعان سىرقاتتارعا تۋىستارى دونور بولعان. اقتوبەلىك دارىگەرلەرگە كومەككە وڭتۇستىك كورەيادان بىلىكتى دارىگەر كەلىپ، وتانىڭ باس-قاسىندا ءجۇردى. پروفەسسور كۆانگ ۆونگ لي بۇعان دەيىن دە بىرنەشە رەت كەلىپ، جەرگىلىكتى دارىگەرلەرگە شەبەرلىك ساعاتتارىن وتكىزگەن ەدى. كۇردەلى وتا ءساتتى اياقتالىپ، ناۋقاستار قاجەتتى ەم-دومىن الىپ جاتىر.

جالپى سوڭعى 2 جىلدا وبلىستا 29 بۇيرەك، 9 باۋىر الماستىرۋ وتاسى جاسالدى. ونىڭ ىشىندە 6 ناۋقاسقا قايتىس بولعان ادامداردىڭ ورگاندارى سالىنعان.  ەرلان سۇلتانگەرەيەۆ، وبلىستىڭ باس حيرۋرگى: - قۇرال-جابدىقتار الىپ، بيوحيميالىق زەرتحانا اشامىز دەپ جاتىرمىز. اقتوبە وبلىستىق اۋرۋحاناسىندا 200-دەن استام اناليز الاتىن بولامىز. قان ورتالىعىندا نت تيپتىك دەگەن زەرتحانا اشۋدى جوسپارلاپ جاتىرمىز، مىنا، ترانسپلانتولوگيادا ناۋقاستاردىڭ بىر-بىرىنە سايكەستىگىن انىقتاۋعا زەرتحانا بولسا، ءبىزدىڭ اقتوبە قالاسىندا، ۋاقىت ۇنەمدەۋگە جاقسى، ويتكەنى اسقىنۋ بولمايدى دەپ ويلايمىز-دەدى.
 

شولۋشى: نازەركە مۇسا