كۇننىڭ كۇرت جىلىنۋىنان جاۋىن-شاشىن ازايىپ، ونسىز دا ىلعالعا ءزارۋ قازاق دالاسىن قۋاڭشىلىق جايلاۋى مۇمكىن، دەپ جازادى قامشى اقپاراتتىق اگەنتتىگى. وتاندىق كليماتولوگتار الداعى 50 جىلعا وسىنداي بولجام جاساپ وتىر. بۇل تۋرالى كتك ارناسى حابارلايدى.

وعان سەبەپ - اۋا-رايىنداعى وزگەرىستەر. بۇرىن سيكلون باتىستان-شىعىسقا قاراي ىعىساتىن بولسا، ءقازىر وڭتۇستىكتەن ىستىق لەپ كوبىرەك سوعاتىن بولىپتى. ال تەمپەراتۋرا 1 جارىم گرادۋسقا كوتەرىلگەن. سوڭعى كەزدەرى جيىلەپ كەتكەن سۋ تاسقىنى مەن سەل، دۇلەي جەل سونىڭ سالدارى ەكەن. قازگيدرومەتتەگىلەر ناعىز وزگەرىستەر ءالى الدا دەپ وتىر. ويتكەنى، 30-40 جىلدان كەيىن كۇن تاعى ىسي ءتۇسىپ، ال وسى عاسىردىڭ سوڭىنا قاراي ءبىرقاتار وزەن-كولدەر ارال تەڭىزىنىڭ تاعدىرىن قايتالاۋى مۇمكىن. قۋاڭشىلىقتان قاشىپ قۇتىلا المايمىز، دەگەنمەن ول پروسەستى كەشەۋىلدەتۋگە بولادى ەكەن.

-پارنيكتى گازداردى ازايتۋ كەرەك. ءبىز ءقازىر اتموسفەراعا تاستاپ جاتقان پارنيكتى گازداردىڭ مولشەرىن جىلدان جىلعا ازايتىپ، سول كەزدە تەمپەراتۋرانىڭ قارقىندى ءوسۋى تومەندەيدءى، - دەيدى «قازگيدرومەت» رمم عىلىمي زەرتتەۋ ورتالىعىنىڭ ديرەكتورى پايىزحان قوجاحمەتوۆ.