بورنەو ورمانىندا ەرەكشە جانۋار پايدا بولعاندا، ادامدار ونى سيرەك كەزدەسەتىن جانۋار تۇرىنە جاتقىزىپ، ءسۇيسىنىپ قاراعان. الايدا ناعىز شىندىقتى بىلگەندە تۇرعىندار ەسەڭگىرەپ قالدى. بيلىك بۇل جانۋاردىڭ مالاي ايۋى ەكەنىن جانە ونىڭ اۋرۋعا شالدىققانىن ايتتى. اۋرۋىنىڭ سالدارىنان جانۋاردىڭ ءجۇنى تۇگەلدەي دەرلىك سىپىرىلىپ تۇسكەن، سول سەبەپتى ءتۇرى ەرەكشە كورىنەدى.
ناعىز مالاي ايۋى مىناداي بولۋى كەرەك ەدى.
ال اۋرۋعا شالدىققان ايۋدىڭ سيقى تومەندەگىدەي.
ادامدار ونى ۇزاق ىزدەگەن كورىنەدى، بىرنەشە كۇننەن كەيىن كورشى پلانتاسيادان تابادى. جىرتقىش قاتتى قورقىپ قالعاندىقتان ءوزىن اگرەسسيۆتى تۇردە ۇستاعان. سونىڭ وزىندە ادامدار كومەكتەسۋگە تىرىستى.
ساراۆاك ورماندى كورپوراسياسى وكىلدەرىنىڭ ايتۋىنشا، قۇتقارىلعان ايۋ وتە جايلى مەكەنگە ورنالاسترىلدى، ءارى ادامداردىڭ قورعاۋىندا. دەگەنمەن ءالى دە اۋرۋ بەلگىلەرى بايقالادى. سول سەبەپتى جابايى تابيعات ورتالىعىنا جونەلتىلگەن.
سيلە روبەرتسون ەسىمدى ۆەتەرينار جانۋاردى مۇقيات تەكسەرىپ، كەرەكتى ساراپتامالاردى جاساپ، تەرىسىنە ينفەكسيانىڭ تۇسكەنىن، سونداي-اق قانى ازدىعىن انىقتادى.
ادامداردىڭ قامقورلىعىنىڭ ارقاسىندا جاعدايى جاقسى جاققا قاراي وزگەرىپ كەلەدى، ەمدەۋ پروسەسى ءوز ناتيجەسىن بەردى.. ايۋ تولىق ايىققان سوڭ ونى ورمانعا جىبەرىپ، ءوز تۇقىمداستارىنىڭ قاتارىنا قوسپاق.
شولۋشى: سابينا رامازان
