55 جاستاعى ەر ادام  ءوز ايەلىنىڭ كوڭىلدەسى بار ەكەنىن بىلگەن سوڭ ونى پىشاقتاپ ولتىرگەن.  بۇل تۋرالى قامشى اقپاراتتىق اگەنتتىگى  YK-news.kz-كە سىلتەمە جاساپ. شقو قىلمىستىق ىستەر جونىندەگى مامانداندىرىلعان اۋدانارالىق سوتى ەر ادامدى توعىز جىلعا باس بوستاندىعىنان ايىردى. 

 ەرلى-زايىپتىلار  قوناقتا بولعان كەزدە ىشىمدىك ءىشىپ ماسايعان. ۇيگە قايتاتىن ۋاقىت بولعاندا ايەلى ورتا جولدا اينىپ قالىپ، ۇيگە قايتۋدان باس تارتقان. ەر ادام ونى كوندىرمەكشى بولعان، وسى ارادا جانجال شىققان.  جانجال كەزىندە ايەل باسقا ادامدى سۇيەتىنىن ايتقان. ەر ادام وسىدان كەيىن قالتاسىنان پىشاق الىپ شىعىپ، ونى ەكى رەت كەۋدە تۇسىنان پىشاقتاعان. ايەل وقيعا ورنىندا قازا تاپتى. وقيعادان سوڭ كۇيەۋى ۇيىنە بارىپ ۇيىقتاپ قالعان. تاڭعا جۋىق ايەلدىڭ ءمايىتىن كورگەن ادامدار  پوليسيانى شاقىرتقان. پوليسەيلەر تەز ارادا ايەلدىڭ كىم ەكەنىن انىقتاپ، كۇيەۋىن ىزدەپ تاپقان. ەر ادام بىردەن قىلمىسىن مويىنداعان.. ال سوتتا ايىپتالۋى ايەلىن ولتىرگىسى كەلمەگەنىن، الايدا "اقىل-ەسىنەن اداسقانىن" ايتقان. سوت زالىندا كۋاگەرلەر ولاردىڭ اراسىندا جانجال ءجيى شىعاتىنىن، ىشىمدىك ىشەتىنىن، ماستىقپەن ءتىپتى توبەلەسكەندەرىن دە ايتىپ بەرگەن. سوت وسى ءمان-جايدى انىقتاي وتىرىپ، ەر ادامدى توعىز جىلعا باس بوستاندىعىنان ايىرعان. ۇكىم ازىرشە كۇشىنە ەنگەن جوق.

شولۋشى: نازەركە مۇسا