قازاقستاندىق ءانشى ديماش قۇدايبەرگەننىڭ استانادا 27 ماۋسىمدا وتەتىن "باستاۋ" اتتى جەكە كونسەرتىنە كەلەتىن شەتەلدىك جۇلدىزداردىڭ ەسىمدەرى بەلگىلى بولدى، - دەپ حابارلايدى قامشى اقپاراتتىق اگەنتتىگى Tengrinews.kz –كە سىلتەمە جاساپ.

بۇل تۋرالى ورىنداۋشىنىڭ PR-ديرەكتورى الپامىس شاريموۆ ءمالىم ەتتى. ونىڭ ايتۋىنشا، كەلەتىن قوناقتارىنىڭ ىشىندە جۇڭگو ەلىنەن تەرري لين بار. "جۇڭگو ەلىنىڭ ەڭ جارىق جۇلدىزى. I Am Singer جوباسىندا ديماشقا قارسىلاس بولا ءجۇرىپ، قامقورلىعىن تانىتىپ، جۇڭگو ەلىنىڭ جۇلدىزدارىنىڭ ىشىندە دوستىق نيەتىن تانىتقان العاشقى انشىلەردىڭ ءبىرى. ديماشتىڭ تۋعان كۇنىندە جەكە كونسەرتتىك كيىمىن سىيعا تارتىپ، ارنايى تىلەگىن دە ءبىلدىردى. ءتىپتى، ديماش تەرري ءليندى "قىتايلىق وكىل اكەم" دەپ اتاپ تا كەتتى. كوپ مارتە ازيالىق ماراپاتتاردىڭ جۇلدەگەرى تەرري لين 27 ماۋسىم #Bastau-دىڭ قۇرمەتتى قوناعى!"، - دەيدى شاريموۆ.

تاعى ءبىر تانىمال جۇلدىز - شۆەسيالىق ءانشى Loreen (@loreenofficial - شۆەسيا). ول - "ەۆروۆيدەنيە 2012" جىلدىڭ جەڭىمپازى، دانس-پوپ، ەۆرودەنس جانرىندا ءان شىرقايتىن تانىمال ەۋروپا ءانشىسى. "اتىشۋلى Warner Music لەيبلىمەن سەرىكتەستىكتە قىزمەت اتقاراتىن ءلوريننىڭ 2012 جىلعى "Heal" البومى ەۆروپانىڭ بارلىق ءان شەرۋلەرىندە توپ جاردى. ەۆروپانىڭ سالەمىن بىزگە ديماشتىڭ ءان كەشىندە لورين جەتكىزەتىن بولادى!"، - دەپ تانىستىردى ءانشىنىڭ وكىلى. قازاقستاندىق ءانشىنىڭ كونسەرتىنە ۇلىبريتانيادان ەليت-بەكستور سوفي (@sophieellisbextor) كەلەدى. ول - 1997 جىلدان بەرى شىعارماشىلىعىمەن اينالىسىپ كەلە جاتقان الەمنىڭ تانىمال ءانشىسى. كوپتەگەن تانىمال اندەردىڭ اۆتورى، كومپوزيتور. "تانىمال ءسان برەندتەرىنىڭ جارناماسى.  ونىڭ انىمەن سۇيمەلدەپ، ال سۇلۋ بەينەسى جارنامانىڭ وزىنە اينالدى! ەليس-بەكستور سوفي قازاقستاندا العاش رەت ديماشتىڭ جەكە ءان كەشىندە قوناققا كەلەدى!"، - دەيدى الپامىس شاريموۆ. قوناقتاردىڭ قاتارىندا كورشى ەلدىڭ ىستىق سالەمىمەن "رەسەي فەدەراسياسىنىڭ ەڭبەك سىڭىرگەن ءارتىسى"، "Top Hit awards" ماراپاتىنىڭ جۇلدەگەرى كريستينا ورباكايتە ديماشتىڭ كونسەرتىنە ارنايى كەلە جاتىر. "سلاۆيان بازارىندا" ديماشقا جەڭىس سىيلاعان اندەردىڭ ءبىرى "وپيات مەتەل" ءانى كريستينا مەن ديماشتىڭ دۋەتىندە قالاي شىرقالادى ەكەن؟! 27 ماۋسىم بىرگە تاماشالايتىن بولامىز"، - دەيدى ءانشىنىڭ PR-ديرەكتورى. 

 ال وتاندىق ونەر يەلەرىنەن قازاقستان رەسپۋبليكاسىنىڭ ەڭبەك سىڭىرگەن ءارتىسى، مەملەكەتتىك سىيلىقتىڭ لاۋرەاتى. پاريجدەگى "گراند وپەرادا" قازاقستاننىڭ اتىنان ونەر كورسەتكەن تۇڭعىش ءارى ازىرگە جالعىز وپەرا ءانشىسى مايرا مۇحامەد قىزى (@mairaopera) قاتىسادى. "ديماش قاشاندا قولداۋ كورسەتىپ جۇرەتىن مايرا مۇxامەد قىزى #Bastau-كەشىنىڭ قۇرمەتتى قوناعى!"، - دەدى شاريموۆ. ال ديماش قۇدايبەرگەننىڭ ءوزى كەشىنە كەلەتىن ءاربىر قوناقتىڭ - ەلدىڭ قوناعى ەكەنىن ايتىپ، شەتەلدىكتەردى دوستىق نيەتپەن قارسى الۋعا شاقىردى.

 "مەنىڭ #استاناارەنا-دا وتەتىن #Bastau كەشىمە از كۇن قالدى! شىعارماشىلىعىمدى قولداپ، باتا بەرۋگە اسىققان مىڭداعان كورەرمەنىمە ريزامىن! شوۋ كونسەرت الدىندا ەتيكا بويىنشا قۇرمەتتى قوناق بولىپ قاتىسقالى جاتقان انشىلەردى تانىستىرۋعا رۇقسات ەتىڭىزدەر! ءار مەنىڭ كەشىمە كەلگەن قوناق - ەلىمىزدىڭ قوناعى، ءسىزدىڭ ۇيگە كەلگەن قوناق دەپ قابىل الىڭىز! شىن جۇرەكپەن، دوستىق نيەتپەن قارسى الايىق!"، - دەپ جازدى ديماش قۇدايبەرگەن. ايتا كەتەيىك، ديماش قۇدايبەرگەن 27 ماۋسىمدا 20:00-دە استاناداعى "استانا ارەنادا" جەكە كونسەرتىن وتكىزەدى. 

شولۋشى: ايگەرىم تاۋباي