جۇڭگو سايتتارىنىڭ برىندە قازاقستان جەرى ايتىلعان. اتالمىش سايت سول ەلدەگى 1-2 ورىندا تۇرعان وتە تانىمال سايت بولىپ تابىلادى. 

جۇڭگو اقپاراتتىق قۇرالدارىندا جاريالانعان بۇل ۆيدەودا ءبىرشاما تاريحي دەرەكتەردى تىلگە تيەك ەتە وتىرىپ، قازاق جەرى جايىندا ادام سەنگىسىز حابارلار تاراتقان. 

قازاق جەرىن وتارلعان رەسەي يمپەرياسى كەزىندەگى تاريحي دەرەكتەردى ايتادى. قىتايدىڭ چين پاتشالىعى مەن رەسەي يمپەرياسى اراسىنداعى كەلىسىمدەرگە توقتالا كەتەدى.

"كەزىندە چين پاتشالىعى قۇلدىراعان كەزدە رەسەيمەن كەلىسىمگە وتىرىپ، ءبىراز جەرلەرىن سولاردىڭ قاراماعىنا بەرگەن. ال قازىرگى تاڭدا ءبىر مەملەكەت بار. ولار قىتايعا ەشقاشان دا سوعىس اشقان ەمەس، جەرىن جاۋلاپ العان جوق، ءبىراق ولار ءقازىر ءبىزدىڭ ءبىراز جەرىمىزدى جاۋلاپ الىپ وتىر. ولار كىم دەيسىزدەر عوي، ول - قازاقستان. انىعىندا بۇل جەرلەر قىتايدىڭ شەكاراسىنا تيەسىلى"، - دەپ ايتىلادى بۇل ۆيدەودا. 

جۇڭگو جۇرتىنىڭ اتالمىش ۆيدەوعا جازعان پىكىرلەرى تىپتەن سۇمدىق.

"كەرەك دەسەڭىز قارۋلى كۇشپەن بۇل ەلدى جاۋلاپ الۋ كەرەك. قىتايدىڭ جەرىن وزىنە قايتارۋ كەرەك"، - دەگەن سىندى تۇرلىشە پىكىرلەر جازىلعان.