The Sun گازەتىنىڭ مالىمەتىنشە، فۋرگون جولدان شىعىپ كەتىپ، فينسبەري پارك مەشىتىنەن شىعىپ كەلە جاتقان بىرنەشە ادامدى قاققان. مۇنداي اقپاراتتى بريتانيانىڭ مۇسىلماندار ۇيىمى دا راستاپ وتىر دەپ حابارلايدى قامشى اقپاراتتىق اگەنتتىگى.

Evening Standard گازەتى كۋاگەرلەردىڭ ايتقانىنا سۇيەنىپ، ادامداردى قاققان ەر ادام كولىكتەن پىشاقپەن شىعىپ ادامداردى پىشاقتاعانىن جازادى. پوليسەيلەر ول ەر ادامدى ۇستاعان.

«مەن جەردە جاتقان 4،5 ادامدى كوردىم. بىرەۋى پىشاقپەن جاراقاتتانعان. ادامدار ونى ۇستاپ الدى» دەيدى كۋاگەرلەردىڭ ءبىرى.

ال Sky News تەلەارناسىنىڭ حابارلاۋىنشا، ادامداردى قاققان فۋرگوندا ءۇش ادام بولعان. ونىڭ ەكەۋى قاشىپ كەتكەن، بىرەۋىن پوليسيا ۇستادى.

Daily Mail حابارلاۋىنشا، بولعان وقيعا سالدارىنان 10 ادام زارداپ شەكتى. ادامدار وزدەرى فۋرگون جۇرگىزۋشىسىن ۇستاپ، پوليسياعا بەرگەن.

شولۋشى: اسەم المۇحانبەت