«اتامەكەن» ۇكپ ءىV سەزىندە قىلمىستىق جانە اكىمشىلىك زاڭنامالاردى گۋمانيزاسيالاۋ جايلى ەرەكشە اتاپ ءوتىلدى بۇل تۋرالى «اتامەكەن» ق ر ۇكپ باسقارما ءتوراعاسىنىڭ ورىنباسارى رۇستەم ءجۇرسىنوۆ ءىV سەزدە اتاپ ايتتى.
«اتامەكەن» ق ر ۇكپ ءىV سەزىندە ۇلتتىق كاسىپكەرلەر پالاتاسى اتقارعان وراسان زور جۇمىستار تۋراسىندا ايتىلدى. ونىڭ ىشىندە كاسىپكەرلەردىڭ زاڭدى مۇددەلەرى مەن قۇقىقتارىن قورعاۋ، اكىمشىلىك كەدەرگىلەردى انىقتاپ، جويۋ، وڭىرلەردى دامىتۋ، جوبالاردى سۇيەمەلدەۋ جانە تاعى باسقالارى جايلى باياندالدى. جالپى، پالاتا قىزمەتىنىڭ قورىتىندى ەسەبى بويىنشا مىناداي نەگىزگى باعىتتارعا بولۋگە بولادى:
- بيزنەس-ورتا ءۇشىن زاڭنامانى جەتىلدىرىۋ؛
- بيزنەستى قايتا رەتتەۋ – باقىلاۋ-قاداعالاۋ فۋنكسيالارىن قىسقارتۋ، مەملەكەتتىك فۋنكسيالاردى باسەكەلەس ورتاعا بەرۋ جانە ءسوج؛
- قىلمىستىق جانە اكىمشىلىك زاڭنامانى گۋمانيزاسيالاۋ.
سەزدە جاساعان بايانداماسىندا «اتامەكەن» ق ر ۇكپ باسقارما ءتوراعاسىنىڭ ورىنباسارى رۇستەم ءجۇرسىنوۆ زاڭنامانى گۋمانيزاسيالاۋ جۇمىستارىنا ەرەكشە توقتالدى.
ول اتاپ وتكەندەي، اتالمىش جۇمىس بىلتىرعى جىلدىڭ اقپان ايىندا كاسىپكەرلەردىڭ قۇقىعىن قورعاۋ جونىندەگى ۋاكىلدىڭ ينستيتۋتى قۇرىلعان ساتتەن باستاپ كۇشەيتىلىپ، جاڭا قارقىن الدى.
بيزنەس-ومبۋدسمەن جۇمىسىن باستاعالى بارلىق وڭىرلەردە ىسساپارلارمەن بولىپ قايتتى، اكىمدەرمەن جانە پروكۋرورلارمەن كەزدەسۋلەر وتكىزدى، 2000-نان استام كاسىپكەردى جەكە قابىلداپ، مەملەكەتتىك ورگانداردىڭ بەيرەسمي رەيتينگتەرى ەنگىزىلدى. بيزنەسكە تۇسەتىن اكىمشىلىك جۇكتەمەنى ازايتۋ بويىنشا اۋقىمدى جۇمىستار جاسالدى.
وسىلايشا، زاڭ جوباسى اياسىندا ۇلتتىق كاسىپكەرلەر پالاتاسىنىڭ 75 تۇجىرىمدامالىق ۇسىنىستارى قابىلداندى. اتاپ ايتقاندا:
- جاسالعان قىلمىس ەلەۋسىز بولعان جاعدايدا جاۋاپكەرشىلىكتەن بوساتۋ؛
- اقبتك-نىڭ 280-نەن استام بابىندا ايىپپۇلدى 50% جەڭىلدىكپەن تولەۋ؛
- 91 باپ بويىنشا ايىپپۇل مولشەرى ورتا ەسەپپەن 30%-عا تومەندەيدى، 12-سىندە جازا جەڭىلدەتىلەدى، 42-سىندە ايىپپۇل ەسكەرتۋمەن الماستىرىلادى.
«دەگەنمەن، كاسىپكەرلەر ءۇشىن اسا ماڭىزدى ءبىرقاتار ماسەلەلەر ءالى دە بار. مىسالى، بيزنەس ءۇشىن ەلەۋلى پروبلەمالار تۋدىراتىن كەدەندىك زاڭ بۇزۋشىلىقتار ءۇشىن تاركىلەۋ. ءبىز وسى ماسەلەنى بارىنشا تەز ارادا شەشۋ كەرەك دەپ سانايمىز، بۇل مەنشىك قۇقىعىن قورعاۋ جونىندەگى ەلباسى جولداۋىمەن تولىق ۇندەسەدى»، – دەدى رۇستەم ءجۇرسىنوۆ.
سونداي-اق، ول اتاپ وتكەندەي، 2016 جىلدىڭ سوڭىندا ولاردىڭ باستاماسى بويىنشا راحىمشىلىق جاساۋ جۇرگىزىلدى، سونىمەن قاتار، ەكونوميكالىق قىلمىستار بويىنشا 400-دەن (256 – باس بوستاندىعىنان ايىرىلعان، 184 – بوستاندىقتا) استام بيزنەسمەن بوساتىلدى. باس پروكۋراتۋرامەن بىرلەسە وتىرىپ، قىلمىستىق زاڭنامانى گۋمانيزاسيالاۋ بويىنشا جۇمىستار جۇرگىزىلدى.
«مەن بۇل جەردە ايتارلىقتاي ىلگەرىلەۋشىلىكتى كورىپ تۇرمىن – «جالعانكاسىپكەرلىك تۋرالى» باپتى الىپ تاستاۋ تۋرالى زاڭ جوباسى سەناتتا قارالۋدا. وسى ايدىڭ اياعىنا دەيىن زاڭ قابىلدانادى دەگەن ۇمىتتەمىز»، – دەدى باسقارما ءتوراعاسىنىڭ ورىنباسارى.
لاۋازىمدى تۇلعالاردىڭ جاۋاپكەرشىلىگىن كۇشەيتۋ جونىندە ەلەۋلى وزگەرىستەر ۇسىنىلدى، بۇل ماسەلەنى مەملەكەتتىك قىزمەت ىستەرى جونىندەگى اگەنتتىك قاراپ جاتىر.
«ۇلتتىق كاسىپكەرلەر پالاتاسى مەن بيزنەس-ومبۋدسمەننىڭ اتقارعان جۇمىستارى سىندارلى پويزيسيا مەن ۇكىمەتتىڭ جانە بارلىق مەملەكەتتىك ورگانداردىڭ قولداۋىنسىز ناتيجەسىز بولار ەدى»، – دەپ قورىتىندىلادى رۇستەم ءجۇرسىنوۆ.
