رەسەي پرەزيدەنتى ۆلاديمير پۋتين الەكسەي ەرحوۆتى رەسەيدىڭ تۇركياداعى ەلشىسى ەتىپ تاعايىندادى، دەپ حابارلايدى قامشى اقپاراتتىق اگەنتتىگى.
مامىردا ونىڭ ەلشىلىككە ۇمىتكەرلىگىن حالىقارالىق ىستەر جونىندەگى مەملەكەتتىك دۋما قولداعان.
جەرگىلىكتى باق-تىڭ مالىمەتىنشە، ەلشى قىزمەتىنە كەلمەي تۇرىپ ەرحوۆ ءسىم داعدارىس ورتالىعى دەپارتامەنتىنىڭ ديرەكتورى قىزمەتىن اتقارعان. ودان بۇرىن ىستانبۇلداعى باس كونسۋل بولدى.
ەسكە سالا كەتەيىك، وتكەن جىلدىڭ 19 جەلتوقسانىندا اندرەي كارلوۆ انكارادا "كالينگرادتان كامچاتكاعا دەيىنگى رەسەي ساياحاتشى كوزىمەن" اتتى فوتوكورمەگە قاتىسۋ بارىسىندا قاستاندىققا ۇشىراعان. اشىلۋ سالتاناتىندا سويلەپ تۇرعان كارلوۆقا مەلۆۇت التىنتاش ەسىمدى پوليسەي قىزمەتكەرى وق اتقان. اۋىر جارالى كارلوۆ جاقىن ماڭداعى اۋرۋزاناعا جەتكىزىلگەنىمەن قايتىس بولدى. ال، قاستاندىق جاساۋشى ارناۋلى وپەراسيادا ولتىرىلگەن.
بۇعان دەيىن ەلشى مىندەتىن ۋاقىتشا كەڭەسشى سەرگەي پانوۆ اتقارعان.
شولۋشى: گۇلىم جاقان
