كوپتەگەن ادامدار بازار مەن شاعىن دۇكەندەردەگى ساتۋشىلاردىڭ ءتۇرلى سۇمدىق ارەكەتتەرىن كوزگە ىلە بەرمەيدى. ءبىر جاعىنان وعان ۇيرەنىپ قالعان دەسە دە بولادى. ال ۇلكەن ساۋدا ورتالىقتارىندا ارام ايلاعا باراتىن ساتۋشىلار الداۋدىڭ ءتۇرلى تاسىلدەرىن بىلەدى.
ەلەكترونيكا دۇكەندەرى
1. تانىمال برەندتىڭ بارلىعى دەرلىك ءوز تاۋارلارىنىڭ جاساندى ءتۇرىن كەزىكتىرىپ جاتادى. كەزىكتىرە سالىسىمەن تاۋارلارىن دۇكەندەردەن شىعارىپ تاستايدى. ال ارتىنان اقاۋدى جويعاننان كەيىن ونىمدەردى دۇكەندەرگە قايتا جەتكىزىپ، 30-50 پايىز جەڭىلدىكپەن ساتىلىمعا شىعارادى. ال تۇتىنۋشىعا اۋىزشا تاۋاردىڭ قايتارىمعا جارامايتىنىن ايتادى.
2. ماڭىزدى : ساتىپ الۋشىعا تاۋاردىڭ كەمشىلىك تۇستارى ەگجەي-تەگجەيلى ايتىلعان جاعدايدا عانا تۇتىنۋشى اقاۋلى، سىنعان تاۋاردى دۇكەنگە قايتارا المايدى. ال براكقا شىعارىلعان تاۋاردى REF-Refurbished جاپسىرماسى ارقىلى اجىراتۋعا بولادى.
ءىش كيىم ساتاتىن دۇكەندەر
3. ءىش كيىم ساتاتىن دۇكەندەردەگى ساتۋشىلاردىڭ ارەكەتى ودان دا جامان. ولار بازاردان ارزان باعاعا ءىش كيىم ساتىپ الىپ، قىمبات كيىدەردىڭ اراسىنا قوسىپ قويادى. ەكى كيىمنىڭ باعاسىنىڭ ايىماشىلىعى اسپان مەن جەردەي. ال ساتىپ الۋشىلار وزدەرىن باعالى برەندتىڭ ءونىمىن الىپ جاتىرمىز دەپ ويلايدى.
ازىق-تۇلىك دۇكەندەرى
4. ازىق-تۇلىك دۇكەنىندە جۇمىس ىستەيتىن كوپتەگەن ساتۋشىلار باسشىلىقتىڭ تاپسىرماسىمەن تۇتىنۋ ۋاقىتى ءوتىپ كەتكەن زاتتارعا ەكىنشى ءومىر سىيلايتىنىن ايتادى. مەرزىمى وتكەن تاۋارلاردىڭ ىشىندە شۇجىقتى ارنايى تازالايتىن قۇرالماەن تازارتىپ، تۇتىنۋشىعا قايتا ۇسىنادى.
5. ال تۇتىنۋ مەرزىمى وتكەن ازىق-تۇلىكتى ساتۋ قولدارىنان كەلمەسە، ءوندىرىس ورنىنا قايتا جونەلتەدى. سول جەردە مەرزىمى وتكەن شۇجىق پەن بالعىن ءونىم ارالاسىپ، قايتادان جەۋگە جارامدى بولىپ شىعادى.
6. جەمىستەر مەن كوكونىستەر كەۋىپ كەتتەتىن قاسيەتكە يە. سوندىقتان الدىن-الا ارەكەت ەتەتىن ساتۋشىلار ولاردىڭ سالماعىن ولشەپ، بولەك قالتاشالارعا سالادى. سول ارقىلى ءونىمنىڭ سالماعى ازايسا دا باستاپقى سالماعىمەن ولشەنىپ، ساتىلادى.
7. سۋعا قاتىرۋ. بالىق، تەڭىز ونىمدەرى، كوكونىستەر سۋمەن ارالاسىپ، قاتىپ قالادى. ال سۋ قاتقان كەزدە ءونىمنىڭ 30-40 پايىزىن الادى. ياعني، ءونىمنىڭ سالماعىن ارتتىرادى.
8. جاڭا مۇزداتىلعان بالىقتى تۇتىنۋ مەرزىمى وتكەن بالىقتان جاسايتىنىن ەكىنىڭ ءبىرى بىلە بەرمەيدى.
9. ال تاۋاردى تارازىعا ولشەگەن كەزدە ساتۋشىلار سيقىر قولدانادى دەسەك تە بولادى. ەلەكتروندى تارازىلارعا گيگيەنالىق ماقساتتا قالتاشالار قولدانىلادى. ال سول قالتاشانىڭ ءبىر شەتى تارازىنىڭ بويىنا جاپسىرعىشپەن بايلانعان. تارازىعا ءبىر زاتتى ولشەۋگە قويعاندا قالتاشا سوزىلادى نەمەسە ساتۋشى ءوزى سوزادى. سول كەزدە تاۋاردىڭ سالماعى ارتادى.
10. كاسسادا ساتۋشى قۋلىققا بارىپ جاتادى. ءبىر زاتتى ەكى رەت ەسەپتەگەن جاعدايدا ساتۋشى بىرەر سەكۋندقا توقتاپ قالادى. سول ۋاقىتتا كومپيۋتەردەگى جۇيەنى رەتتەيدى.
دايىنداعان: ايگەرىم تاۋباي
پىكىر قالدىرۋ