اۋعانستانداعى تاليبتەر ۇرلاپ اكەتكەن امەريكالىق پەن اۆستراليالىق ەكى ازاماتتىڭ ءوز ەلدەرىنەن وزدەرىن بوساتۋعا كومەكتەسۋدى جانە تۇتقىن الماسۋ تۋرالى كەلىسسوز وتكىزۋدى سۇراعان بەينەجازباسىن جاريالادى. بۇل تۋرالى قامشى اقپاراتتىق اگەنتتىگى ازاتتىققا سىلتەمە جاساپ حابارلايدى.

امەريكالىق ازاماتى، كابۋلداعى امەريكا ۋنيۆەرسيتەتىندە ءدارىس بەرەتىن كيەۆين كينگ پەن ونىڭ ارىپتەسى، اۆستراليالىق تيموتي ۋيكسدى وتكەن جىلى ۋنيۆەرسيتەت اۋماعىنان ۇرلاپ اكەتكەن. تاليبتەردىڭ مالىمدەۋىنشە، ۆيدەو جازبا 16 ماۋسىمدا تۇسىرىلگەن. ۆيدەودا ەكى ەر ادام كامەرادا ۇندەۋ جاساپ، وزدەرىن بوساتۋ ءۇشىن تۇتقىنداعى تاليبتەردى قايتارۋدى سۇرايدى.

وسىعان ۇقساس ۆيدەو بيىل قاڭتار ايىندا دا پايدا بولعان. اقش بيلىگى ءقازىر اۋعانستانعا قاتىستى جاڭا ستراتەگياسىن دايىنداپ جاتىر. وندا بولجام بويىنشا اۋعانستانداعى امەريكالىق اسكەر سانىن 3-5 مىڭ ادامعا دەيىن كوبەيتۋ قاراستىرىلماق.

وتكەن جىلى قىركۇيەكتە كەپىلدەگىلەردى بوساتۋعا ارەكەت جاسالعان ەدى، ءبىراق ارنايى وپەراسيا جۇرگىزىلگەن جەردە ولار بولماي شىققان.

ادام ۇرلاۋ - اۋعانستانداعى ۇلكەن پروبلەما. كىسى ۇرلاۋدا كوبىنەسە اۋعاندىقتار قۇربان بولادى. كىسىنى كوبىنەسە اقشا تالاپ ەتەتىن بانديتتىك توپتار ۇرلايدى. كەيبىر توپتار وزدەرىنىڭ ساياسي ماقستاىنا جەتۋ ءۇشىن شەتەلدىكتەردى دە ۇرلايدى.

شولۋشى: ايگەرىم تاۋباي