جەزقازعاندا "شارۋا" بازارىنىڭ ماڭىندا ءورت شىقتى. ءورتتى سوندىرۋگە ءبىر ساعاتتان اسا ۋاقىت كەتتى، - دەپ حابارلايدى قامشى اقپاراتتىق اگەنتتىگى Tengrinews.kz-كە سىلتەمە جاساپ. ءورتتى كۋاگەرلەر ۆيدەوعا ءتۇسىرىپ العان. ولاردىڭ ايتۋىنشا، بۇل ءبىرىنشى رەت بولىپ تۇرعان ءورت ەمەس. بيىل ناۋرىز ايىندا دا "شارۋا" بازارىندا تۇنگى ۋاقىتتا ءورت شىققان. ول كەزدە بازار اۋماعىندا ەشكىم بولماعان. "بازار وسىمەن ەكىنشى رەت ورتەنىپ جاتىر، ادەيى سياقتى. ول جاقتا جوندەۋ جۇمىستارى دا اياقتالماعان ەدى. قايتادان ءورت شىقتى، جوندەۋ جۇمىستارىنان كەيىن ەندى عانا اشىلىپ ەدى"، - دەيدى كۋاگەرلەر.

"ءورت جەزقازعان قالاسىنداعى "شارۋا" بازارىنىڭ اۋماعىندا بولدى. ءبىر قاباتتى بۋتيك ورتەنىپ جاتتى. ءورت ساعات 20.54-تە اۋىزدىقتالىپ، 21.20-دا اۋىزدىقتالدى. ءورت 120 شارشى مەتردى قامتىدى، زارداپ شەككەندەر مەن قازا تاپقاندار جوق"، - دەدى قالالىق تجد باسپا ءسوز قىزمەتىندەگىلەر. ءورتتىڭ سەبەبى ازىرشە انىقتالمادى. كۋاگەرلەردىڭ ايتۋىنشا، ورتكە بازاردا جوندەۋ جۇمىستارى كەزىندەگى دانەكەرلەۋ جۇمىستارى سەبەپ بولعان.

شولۋشى: ايگەرىم تاۋباي