رەسەي ەلشىلىگى فرانسيانىڭ سىرتقى ىستەر مينيسترلىگىنە نوتا جولدادى. بۇل تۋرالى قامشى اقپاراتتىق اگەنتتىگى رەمبلەر اقپاراتتىق سايتىنىڭ مالىمەتىنە سۇيەنە وتىرىپ حابارلايدى.
روسوبورونەكسپورت دەلەگاسياسىنىڭ باسشىسى سەرگەي كورنيەۆكە قاستاندىق ارەكەتى جاسالدى. وسى وقيعاعا بايلانىستى رەسەي ەلشىلىگى فرانسيانىڭ سىرتقى ىستەر مينيسترلىگىنە شاعىمدانىپ، نوتا جولدادى.
ەستەرىڭىزگە سالا كەتەيىك، زاڭسىز ارەكەت سەيسەنبى كۇنى سان-دەنيدە، دەلاگاسيا باسشىسى جۇمىستان قايتىپ كەلە جاتقان بويدا اۆتوكولىك ىشىندە ورىن العان. قىلمىسكەرلەر مانساپتى قىزمەتكەردەن اقشا تالاپ ەتىپ، قۇندى دۇنيەلەرىن تارتىپ اكەتكەن، سونداي-اق اۆتوكولىكتىڭ تەرەزەلەرىن سىندىرىپ، تالان-تاراج ەتكەن.
ءبىراز مۇلكىنەن ايىرىلعان كورنيەۆ ءوزىنىڭ پاراساتتىلىعى ارقاسىندا ءتولقۇجاتىن ساقتاپ قالا العان. قازىرگى تاڭدى كۇدىكتىلەر ۇستالىپ، تەرگەۋ جۇمىستارى جۇرگىزىلۋدە.
شولۋشى:اقەركە مارات قىزى
