قازاقستان رەسپۋبليكاسىنىڭ مەملەكەتتىك حاتشىسى گۇلشارا ءابدىقالىقوۆا گەرونتولوگتاردىڭ II ەۋرازيالىق سەزىنە قاتىستى. بۇل تۋرالى قامشى اقپاراتتىق اگەنتتىگى اقورداعا سىلتەمە جاساپ حابارلايدى.

ءىس-شاراعا قازاقستان رەسپۋبليكاسى پرەزيدەنتى ءىس باسقارماسى مەديسينالىق ورتالىعىنىڭ باسشىلىعى، رەسەي، اقش، ۇلىبريتانيا، جاپونيا، ازەربايجان، ۋكراينا، بەلارۋس جانە ت.ب. ەلدەردىڭ جەتەكشى عىلىمي ورتالىقتارىنىڭ وكىلدەرى قاتىستى.

سەزدە گەرونتولوگيا مەن گەرياتريانىڭ وزەكتى ماسەلەلەرى، اتاپ ايتقاندا ىرگەلى، كلينيكالىق، مەديسينالىق-الەۋمەتتىك پروبلەمالار، بەلسەندى ءومىر ءسۇرۋ ۇزاقتىعى جانە ءومىر ساپاسى، ساۋىقتىرۋ تەراپياسىنىڭ ەرەكشەلىكتەرى، ادامداردى ساۋىقتىرۋ جانە ت.ب. ماسەلەلەر تالقىلاندى.

مەملەكەتتىك حاتشى جيىنعا قاتىسۋشىلارعا ارناعان سوزىندە بۇۇ بولجامى بويىنشا 2025 جىلعا قاراي الەمدە قارت ادامدار سانى 1 ميلليارد 100 ميلليونعا جەتەتىنىن اتاپ ءوتتى. قازاقستاندا 2012-2016 جىلدار ارالىعىندا جاسى 60-تان اسقان تۇرعىندار سانى 7%-عا جۋىق مولشەردەن 12%-عا دەيىن كوبەيگەن. ءومىر ءسۇرۋدىڭ ورتاشا ۇزاقتىعى 72 جاستان استى.

گۇلشارا ءابدىقالىقوۆا ءومىر ءسۇرۋ ۇزاقتىعىنىڭ قول جەتكىزىلگەن وسى دەڭگەيىن مەملەكەت باسشىسى باستى جەتىستىگىمىز دەپ اتاپ كورسەتكەنىنە توقتالدى.  

گەرونتولوگتاردىڭ II ەۋرازيالىق سەزى ەۋرازيا كەڭىستىگىندەگى گەرونتولوگتار قوعامداستىقتارىنىڭ جۇمىس تاجىريبەسىن جيناقتاپ قورىتۋعا ارنالعان.  

شولۋشى: ايگەرىم تاۋباي